Posts filed under 'हङकङको समाचार'

हङकङका माआवादीहरूमा फेरि बेमेल

हङकङमा जनयुद्घको १७ औं वार्षिकोत्सव सम्पन्न, सहसचिवको समूह अनुपस्थित
रविन लिङदेन/ एचकेनेपाल डट कम–
हङकङ, २० फेब्रुअरी । एकीकृत नेकपा (माआवादी) पार्टीको हङकङमा वैधानिक रुपमा कार्यक्रम संचालन गर्दै आएको संस्था ‘नेपाली जनसरोकार समाज हङकङ’ले महान नेपाली जनयुद्घको १७ औं वार्षिकोत्सव आइतवार सम्पन्न गरेको छ।


तस्वीरः जगतअम्बु गुरूङ /एचकेनेपाल डट कम

एनेकपा (माआवादी) पार्टीको अघिल्लो महिना मात्र मेलमिलाप भएको दुइ समूहबीच, आर्थिक पारदर्शिताको सवालमा खटपट भएको समाचार आए लगतै सहसचिव पवन वस्नेत तथा उनको समूह र मगर राष्ट्रिय मुक्ति मोर्चा प्रवास समितिले पार्टीको कार्यक्रममा उपस्थिति जनाएनन्।

कार्यक्रमका प्रमुख अतिथि ए. नेकपा (माओवादी) जिल्ला पार्टी सचिव जे. वी. ओख्रावुले महान जनयुद्घको बलबाटनै नेपालीहरु यहाँसम्म आएको वताए। उनले पार्टीको झण्डा मुनी गोलवन्द रहि वर्गीय, जातिय, क्षेत्रिय, मधेसी, दलित, महिला मुक्तिको लागि संघर्ष गर्ने साथीहरु झिनो मसिनो कुरामा अल्झिनु नहुने वताए। पार्टीको साथीहरु अनुपस्थित रहेकोमा ‘महान जनयुद्घलाई हामीले कतै उपहास गरिहेको त छैनौ’ भन्दै प्रश्न राखे। यसलाई आफू पार्टीको जिम्मेवार व्यक्ति भएकोले गम्भीर रुपमा लिएको सचिव ओख्रावुले बताए।

लिम्बुवान राष्ट्रिय मुक्ति मोर्चा प्रवास समिति हङकङका अध्यक्ष एम. वी. थोप्राले सदियौदेखि नेपालमा राजनैतिक रुपमा वर्गीय र जातिय समस्या भएको वताए। उनले जनयुद्घको बलवाट मात्र संघिय गणतन्त्रको सुरुवात भएको बताए। यसलाई संस्थागत गर्न एक जुट भएर अगाडि बढ्नुको विकल्प नरहेको उनले बताए।

कार्यक्रममा बोल्दै नेपाली जनसरोकार समाज हङकङका अध्यक्ष विष्णु गुरुङले जातीय समस्या यथावत रहेको बताए। उनले यो अवस्थामा पार्टी र जातिय मोर्चाहरु चाहे नेपालमा होस या विदेशमा होस एक जुट भएर मात्र समस्याको समाधान हुने बताए।

सहसचिव पवन वस्नेतले फोनमा कुरा गर्दै भने, महान नेपाली जनयुद्घलाई सर्वोपरि ठानेका छौं, भन्दै पार्टीको विचारलाई अंगिकार गर्ने बताए। उनले हङकङमा पार्टी एकता भए पनि केही व्यक्तिसंग भावनात्मक एकता भइनसकेको बताए। त्यस्ता व्यक्तिहरु सफा मन लिइ सुधारिनु पर्ने वस्नेतले बताए। उनले पार्टीलाई वुझाउनु पर्ने रकम आफूले पार्टी सचिवलाई बुझाइ सकेको बताए। पार्टीको कार्यक्रममा ज्यानको असुरक्षा हुने भन्दै अनुपस्थित भएको उनले बताए।

मगर राष्ट्रिय मुक्ति मोर्चा हङकङको अध्यक्ष वसन्त थापा मगरले हिन्सको अध्यक्षसंग असहमत भएको कारण हिन्सलाई बहिष्कार गरेको हो, पार्टीको कार्यक्रमलाई होइन, फोनमा उनले भने। उनले हिन्स र मगर राष्ट्रिय मोर्चाको खटपट पार्टीसंग पनि जोडिएकोले, अव पार्टीमार्फत मात्र मिल्न सकिने वताए। हिन्स भन्दा वाहिर कार्यक्रम भएमा आफूहरुले सहभागिता जनाउने अध्यक्ष थापा मगरले बताए।

१७ औं वार्षिकोत्सवको अवसरमा नेपाली जनसरोकार समाज हङकङ र एनेकपा मओवादी पार्टीले दाश्रो अधिवेशनबाट आएका किराती राष्ट्रिय मुक्ति मोर्चा र काउलुन एरिया कमिटिलाई खदा ओढाएर स्वागत गरेका थिए। उक्त अवसरमा जनसरोकार समाजको उपाध्यक्ष धिरेन्द्र राई, महासचिव जिमि हाङखिम, सहसचिव राजु गुरुङ, सदस्य तथा पत्रकार चन्द्र दुमि राई, किराती राष्ट्रिय मुक्ति मोर्चाका उपाध्यक्ष कमला राई, तमु राष्ट्रिय मुक्ति मोर्चाको अध्यक्ष वेल बहादुर तमुले आ–आफ्नो मन्तब्य राखेका थिए।

Recent Videos:

Popularity: 54%

Add comment February 20th, 2012

यायोक्खा र पत्रकारबीचको विवाद अन्त्य

यायोक्खा र पत्रकारबीचको विवाद अन्त्य
एस / एचकेनेपाल डट कम-
हङकङ, किरात राई यायोक्खा हङकङले जारी गरेको प्रेस विज्ञप्ति निःसर्त फिर्ता लिएपछि किरात राई यायोक्खा हङकङ र पत्रकारबीचको विवाद अन्त्य भएको छ।

नेपाली सप्ताह २०११ अर्न्तगत ‘यलम्बर नाईट’ कार्यक्रमको कान्तिपुर र साप्ताहिकमा प्रकाशित समाचारको विषयमा यायोक्खाले आपत्ति जनाएर प्रेस विज्ञप्ति जारी गर्दै पत्रकार निर्मल श्रेष्ठलाई एक वर्षसम्म कार्यक्रममा निमन्त्रणा नगर्ने निर्णय गरेको थियो।

प्रकाशित समाचारहरूमाथि पुनः अध्ययन गर्दा यायोक्खाले लगाएको आरोप निराधार, कपोलकल्पित भेटिएपछि किरात राई यायोक्खा हङकङले जारी गरेको प्रेस विज्ञप्ति निःसर्त फिर्ता लिएको हो।

किरात राई यायोक्खा हङकङले यस घटनाप्रति दुःख व्यक्त गर्दै आगामी दिनमा पत्रकार श्रेष्ठलगायत हङकङका सम्पूर्ण सञ्चारकर्मीहरूसंग समधुर सम्बन्धको अपेक्षा राखेको छ।

किरात राई यायोक्खा हङकङको विज्ञप्ति
समाचारको विषय लिएर यस संस्थाद्वारा २० जनवरी २०१२ का दिन जारी गरिएको विज्ञप्ति निःर्सत फिर्ता लिइएको सम्बन्धित सम्पूर्णमा यसै विज्ञप्तिमार्फत जानकारी गराइन्छ।

विज्ञप्तिपश्चात प्राप्त नेपाल पत्रकार संघ हङकङको पत्र तथा पत्रसाथ नत्थी ‘कान्तिपुर’ दैनिक तथा ‘साप्ताहिक’ साप्ताहिकमा प्रकाशित समाचारका प्रतिलिपीहरुको अध्ययनबाट स्थानीय संवाददाता निर्मल श्रेष्ठको समाचार सम्प्रेषणमा कुनै कुनियत नरहेको यस संस्थाको ठहर रहेको छ।

यस घटनाबाट पर्न गएको असुविधाप्रति सम्बन्धित सम्पूर्णमा दुःख प्रकट गर्दै आगामी दिनमा संवाददाता निर्मल श्रेष्ठलगायत सम्पूर्ण सञ्चारकर्मीहरुसंग किरात राई यायोक्खा हङकङ सुमधुर सम्बन्धको अपेक्षा राख्दछ।

मितिः ३ फेबु्रअरी २०१२
…………………..
किसन राई
अध्यक्ष
किरात राई यायोक्खा हङकङ

नेपाल पत्रकार संघ हङकङको विज्ञप्ति
किरात राई यायोक्खा हङकङद्वारा २० जनवरी २०१२ मा प्रेषित विज्ञप्तिप्रति नेपाल पत्रकार संघ हङकङको गम्भीर ध्यानाकर्षण भएको छ। उक्त विज्ञप्तिमा संघका सचिव तथा कान्तिपुर दैनिकका स्थानीय संवाददाता निर्मल श्रेष्ठद्वारा सम्प्रेषित समाचारलाई लिएर लगाइएको आरोपपूर्ण आधारहिन, भ्रामक, कपोकल्पित र कुत्सित नियतले अभिप्रेरित भएको संघको ठहर छ।

२५ डिसेम्बरका दिन आयोजित ‘यलम्बर नाईट’ नेपाली सप्ताह २०११ अर्न्तगत गरिएको आयोजक संस्था यायोक्खा र सप्ताहका संयोजक हङकङ नेपलिज फाउन्डेसनले सार्वजनिक गरेको प्रचार सामग्रीमा स्पष्ट उल्लेख छ। कार्यक्रम संयोजक र आयोजकद्वारा प्रकाशित जानकारी बमोजिम नै कान्तिपुर दैनिकमा प्रकाशित समाचारमा कलाकार गणेश रसिक र धिरज राई नेपाली सप्ताहको साताव्यापी कार्यक्रम अन्तर्गत आयोजना हुने सांस्कृतिक प्रस्तुतिमा सहभागी हुन आएको उल्लेख छ। सोही आशयको समाचार स्थानीय केही वेवसाईटहरूले पनि सम्प्रेषण गरेका छन्।

तर यायोक्खाको दावी ‘…. कलाकार श्री गणेश ‘रसिक’ तथा श्री धीरज राईलाई हङकङ नेपलीज फाउण्डेसनले नेपाली सप्ताह अन्तर्गतको कार्यक्रममा बोलाइएको……..’ भनेर कान्तिपुरमा लेखिएको समाचार झुठा भनिएको छ। जुन कुरा प्रकाशित समाचारमा कहीं कतै उल्लेख छैन। पत्रिकामा सम्प्रेषित समाचारमा कोही कसैलाई चित्त नबुझे वा केही गुनासा भए सम्बन्धित संचारमाध्यमलाई नै सिधै लिखित प्रतिक्रिया जनाउन सकिने बाटा खुला छन्। तर वास्तविकता भन्दा पर गएर कपोकल्पित लाञ्छना लगाई कुत्सित नियतले सार्वजनिक रुपमा प्रेस विज्ञप्ति जारी भएकोमा नेपाल पत्रकार संघ हङकङ भर्त्सना गर्दछ। यो घटना स्वतन्त्र प्रेसप्रतिको ठाडो आक्रमण भएको यस संस्थाको ठहर छ।

पुनश्चः नेपाली सप्ताह र यलम्बर नाइटसंग सम्बन्धित प्रचार सामग्री र सम्प्रेषित समाचारका प्रतिलिपि यसैसाथ संलग्न गरिएको छ।
…………..
किसन राई
अध्यक्ष
नेपाल पत्रकार संघ, हङकङ

नेपाली सप्ताह र यलम्बर नाइटसंग सम्बन्धित प्रचार सामग्री र सम्प्रेषित समाचारका प्रतिलिपि

यस्तो छ, किरात राई यायोक्खा हङकङद्वारा जारी प्रेस विज्ञप्तिः

Recent Videos:

Popularity: 28%

1 comment February 5th, 2012

प्रकाश छाङ्छा राईका कविता विमोचित

राजकुमार राई/ एचकेनेपाल डट कम-
विगत तीन वर्षदेखि साब्लाबुगं साहित्यिक पत्रिका प्रकाशन गर्दै आएको साब्लाबुगं प्रकाशन हङकङले पुस्तकहरू प्रकाशन गर्ने क्रममा प्रकाश छाङ्छा राईका कविता नामक हालै विमोचन भएको छ।

एक कार्यक्रमबीच कन्याहरू सुरूचि राई र सुम्निमा राईले पुस्तकको लोकार्पण गरेका थिए।

कार्यक्रममा संगीतकार दिनेश सुब्बा प्रमुख अतिथि, हङकङ साहित्यिक प्रठिष्ठानका अध्यक्ष टंक सम्बहाम्फे बिशेष अतिथि, नेपाली महासघंका अध्यक्ष प्रदिप थापा, सनराईज साप्ताहिकका सम्पादक भूपेन्द्र चेम्जोङ्गलगायत अतिथिका रूपमा उपस्थित थिए।

कार्यक्रममा प्रा. डा. गोविन्दराज भट्टराईले नेपालबाट पठाएका शुभकामना सन्देश पढेर सुनाइएको थियो। कार्यक्रममा बालकलाकार शक्ति मादेनले भ्वाइलेन्समा नेपाली सुमधुर धुनहरू बजाएका थिए।

कवि चन्द्रमादेन आङ्छानको उद्घोषण रहेको कार्यक्रममा खड्क राईको स्वागत भाषण रहेको थियो। साब्लाबुंग प्रकाशन हङकङका अध्यक्ष तथा साब्लाबुंग साहित्यिक पत्रिकाका सम्पादक राजकुमार राईले कार्यक्रमको सभापत्तित्व गरेका थिए।

Popularity: 28%

Add comment February 2nd, 2012

हङकङका माओवादीहरू मिले

रविन लिङ्देन / एचकेनेपाल डट कम-
हङकङ, पार्टी अध्यक्ष प्रचण्डको समेत टाउको दु:खाइको बिषय बनेको एनेकपा माओवादी पार्टीको विदेश ब्युरो अन्तर्गत हङकङका माओवादीहरू अहिले आएर बल्ल मिलेका छन्।

हङकङको पार्टी कमिटिभित्र विगत दुई वर्ष यता विवाद हुँदै आएको थियो। माओवादी पार्टीको विदेश व्युरो इन्चार्ज ईन्द्रमोहन सिग्देल र तत्कालिन वाइसिएल इन्चार्ज कुलबहादुर केसी “सोनाम” को उपस्थितिमा १० अक्टुबर २०१० मा एनेकपा माओवदी पार्टी हङकङको विशेष भेलाबाट एक सचिव, दुई सहसचिव, एक वैकल्पिकसहित सात जनाको सचिवालय सहितको २५ सदस्य कमिटि गठन गरी पूर्ण लोक्समलाई सचिव पदमा चयन गरेको थियो।

उक्त २५ सदस्य कमिटिभित्रैबाट केही सदस्यहरुले असहमति जनाउदै भेला बहिष्कार गरेर हलबाट वाहिरिएका थिए। केही समयपछि असहमत भएका सदस्यहरुले विद्रोही-समानान्तर पार्टी घोषणा गरी छुट्टै कमिटी बनाएका थिए।

लिम्बुवान राष्ट्रिय मुक्ति मोर्चा, प्रवास समिति हङकङको एक कार्यक्रममा विद्रोही समानान्तर पार्टी सचिवको हैसियतले पवन वस्नेतले आसनग्रहण गरेका थिए।

२० मार्च २०११ मा एनेकपा माओवादी पार्टीको सामाजिक सस्था ‘नेपाली जनसरोकार समाज, हङकङ’ को दोश्रो अधिवेशनमा आएका देव गुरुङ, विदेश व्युरो सचिव मनोजजंग थापा र केन्द्रिय सदस्य एंव सभासद राजकाजी गुरुङले सो विवादलाई मिलाउन केन्द्रबाटै तीन बुंदे सहमति पत्र लिइ मिलाउने कोशिष गरे पनि सफल हुन सकेको थिएन। त्यसबेला सहमतिनजिक पुगे पनि सहमति उल्लङ्घन भएको भन्दै विद्रोही-समानान्तर कमिटि रहिरहेको थियो।

पूर्व खेलकुद मन्त्री, एनेकपा माओवादी पार्टीको केन्द्रिय सदस्य तथा मगर राष्ट्रिय मुक्ति मोर्चाको वरिष्ठ केन्द्रिय उपाध्यक्ष ओन्सारी घर्तीमगर संयोजक तथा किराती राष्ट्रिय मुक्ति मोर्चा नेपालका केन्द्रिय महासचिव एंव सभासद सुदन किराती र पार्टी राज्यसमिति सदस्य एंव पत्रकार मनोज घर्तीमगरको उपस्थितिमा २५ जनवरी २०१२ मा बसेको दुई पक्षबीचको वार्ता सहमतिमा टुङ्गिएको छ।

ओन्सारी घर्तीमगरले २४ जनवरी २०१२ मा मगर राष्ट्रिय मुक्ति मोर्चा हङकङको कार्यक्रममा एनेकपा माओवादी पार्टी हङकङ कमिटिलाई अपमान गरेकोले आफ्नो र सिङ्गो पार्टीको अपमान भएको खुलासा गरेका थिए।

वार्तामा देव गुरुङले ल्याएको तीन बुंदे सहमति पत्रलाई पूर्ण रुपले लागु गर्दै, गत १० अक्टुवर २०१० को विशेष भेलाबाट जे निर्णय भएको थियो त्यसलाई हुबहु लागु हुने गरी सहमति भएको छ। तत्कालिन पार्टी सचिव पूर्ण लोक्समले हङकङ छाडेको हुँदा उक्त पदमा जेवि ओखावु र पवन वस्नेतलाई सहसचिवको पद निर्धारण गरी सचिवालयमा ८ सदस्य गरी जम्मा २५ सदस्य कायम गर्दै थप हुन आएको सदस्यहरुलाई पनि कमिटिभित्रै राख्ने सम्झौता भएको छ।

श्रोतका अनुसार सम्झौता पत्रमा पार्टी कमिटिको तर्फबाट जेबि ओख्रावुले हस्ताक्षर गरेका थिए भने विद्रोही पार्टी कमिटिको तर्फबाट पवन वस्नेतले हस्ताक्षर गरेका थिए। वार्तामा उपस्थित दुवै पक्ष तथा वार्ता संयोजक ओन्सारी घर्तीमगर, सुदन किराती, मनोज घर्तीमगर र विशेष उपस्थितिहरुले पनि हस्ताक्षर गरेका छन्।

सहमतिपछि सञ्चारकर्मीसंग बोल्दै एक सदस्यले भने हामी नमिल्दा यहाँका धेरै ब्यक्तिहरुले खेल्ने मौका पाइरहेको अवस्था थियो। अब त्यस्तो वातावरण नहुने र पार्टी एक ढिक्का भएर अघि बढने भन्दै खुशि ब्यक्त गरेका थिए। पार्टी सचिव जेवि ओखावुलगायत अन्यले मिल्नुको विकल्प कसैसंग पनि नभएकोले विगतमा गरेको गल्तिबाट पाठ सिक्दै अघि बढनु पर्ने बताए। पार्टीको बैधानिक सस्था नेपाली जनसरोकार समाज हङकङका अध्यक्ष विष्णु गुरुङले केन्द्रमा त पार्टी आजै फुट्ला भोलि फुट्ला जस्तो देखिएपनि पार्टी झन् मजबुत भएर अघि बढिरहेको बताए। हङकङमा त हामीमा सैद्धान्तिक मतभेद नभएकोले कुनै असजिलो अवस्था नरहेको बताए। त्यसै गरी विद्रोही पक्षका कमल राईले भने गल्ति सबैबाट भएकै हो अव त्यो कसैबाट नदोहोरिने बताए।

Popularity: 16%

3 comments January 27th, 2012

इङनाम इवाहाङ बिकास समितिको बार्षिक कार्यक्रम सम्पन्न

श्याम इङनाम / एचकेनेपाल डट कम-
हङकङ, इङनाम इवाहाङ बिकास समिति हङकङले जनवरी २३ तारिखका दिन मंकी हिलमा समितिको वार्षिक कार्यक्रम भब्यताकम साथमा सम्पन्न गरेको छ।

छोटो औपचारिक कार्यक्रमका साथ सम्पन्न उक्त कार्यक्रमको अध्यक्षता समितिका अध्यक्ष बिष्णु इङनामले गर्नुभएको थियो। लाजेशा फेदापहाङ भगत सुब्बाको प्रमुख आतिथ्य रहेको कार्यक्रममा किरात हाङसाम माङहिम, इवाको आजीबन सदस्यहरुलाइ आजीवन सदस्यताको प्रमाण पत्र बितरण गरिएको थियो।

प्रमुख अतिथि लाजेशा फेदापहाङ भगत सुब्बा र अतिथिदय तेह्रथुम मञ्चका अध्यक्ष त्रिभुवन लुङफुङवाले धन्यबाद मन्तब्य र समितिका बरिष्ठ सललाहकार अबिचन्द्र इङनामले स्वागत मन्तब्य राख्नु भएको थियो।

बि.बि.क्यु.को साथमा सम्पन्न उक्त कार्यक्रमको अन्तिम चरण बिभिन्न नाचगानका साथमा समापन भएको थियो।

Popularity: 28%

Add comment January 27th, 2012

हङकङमा लिम्बुवानी परिचयात्मक कार्यक्रम

हरिस्चन्द्र लावती / एचकेनेपाल डट कम-
हङकङ, ८ जनवरी । “संघीयता, स्वायत्तता, समावेशी अभियान, दिगो शान्ति, समृद्धि, संखुवाखोला - अरुण - सप्तकोशी पूर्व लिम्बुवान।” भन्ने मूल नाराको साथ लिम्बुवानी परिचयात्मक तथा भेटघाट कार्यक्रम सम्पन्न भएको छ।

मञ्च सम्बद्ध संघीय लिम्बुवान राज्य परिषद हङकङ प्रवास कार्य समितिले मंकी हिल बिबिक्यू स्पटमा आइतबार सो कार्यक्रम सम्पन्न गरेको हो।


कार्यक्रममा चुम्लुङ हङकङका उपाध्यक्ष हस्त लिबाङ, लिम्बुवान राष्ट्रिय मुक्ति मोर्चा हङकङ समितिका अध्यक्ष एम बि थोप्रा, सनराइज साप्तहिकका सम्पादक तथा जनजाति महासंघका भुपू अध्यक्ष भुपेन्द्र चेम्जोङ, लिम्बु भाषाका बरिष्ठ गायककार भगत सुब्वा, तेह्रथुम हङकङ मञ्चका अध्यक्ष त्रिभुवन लुङफुङ्वा, किरात राई यायोख्खा हङकङका अध्यक्ष तथा एभरेष्ट साप्तहिकका सम्पादक किशन राई अतिथिको रुपमा उपस्थित थिए।

त्यसै गरी, मञ्च सम्वद्ध संघिय लिम्बुवान राज्य परिषद प्रवास कार्य समितिका बरिष्ठ सल्लाहकार प्रदिप कन्दङ्वा, मञ्च सम्वद्ध संघिय लिम्बुवान राज्य परिषद प्रवास कार्य समिति कैं सल्लाहकारहरु भगिराज चोङवाङ, नबिन सांवा मञ्चमा आशिन थिए।

मन्तब्यको क्रममा सनराइज साप्ताहिकका सम्पादक भूपेन्द्र चेम्जोङ्ले म लिम्बु हु, त्यसैले सर्वप्रथम लिम्बुवानवासी र त्यसपछि मात्र नेपाली हुं भने। आदिवासी लिम्बुहरुको सम्पूर्ण हकअधिकार कायम गर्नका लागि लिम्बुवान स्वायत्त राज्य बाहेक अर्को बिकल्प नभएको उनले बताए।

चुम्लुङ हङकङका उपाध्यक्ष हस्त लिबाङले लिम्बुहरुको भाषा, लिपी, संस्कार कानूनी रुपमा संरक्षण गर्नको लागि लिम्बुवान स्वायत्त राज्य हुनु पर्ने बताए। त्यस्तै लिम्बु भाषाका बरिष्ठ गायक भगत सुब्वाले लिम्बुवानवादी संगठनहरु विभाजित भएको बताउंदै विभाजन हुनुको मुख्य कारण वैचारिक र सैद्धान्तिक भिन्नता रहेको बताए। सैद्धान्तिक रुपमा फरक भए पनि लिम्बुवानको साझा मुद्धामा एक जुट हुनुपर्ने सुब्बाले बताए।

मन्तब्य कैं क्रममा मञ्च सम्वद्ध संघिय लिम्बुवान राज्य परिषद प्रवास कार्य समिति हङकङका बरिष्ठ सल्लाहकार प्रदिप कन्दङ्वाले संविधान सभाले वनाउन लागेको नेपालको नयां संविधान संघीयता र राज्यपुनर्संरचनाको सवालले नै अल्झेको छ, संघीयता विरोधी र एकात्मकवादीहरुकैं कारण नैं संविधान सभावाट अग्रगामी संविधान नवनाई यथास्थिति वि.सं. २०४७ सालकैं संविधान जस्तो वनाउन लागि परेका बताए। मन्तब्यको अन्त्यमा मञ्च सम्बद्ध संघीय लिम्बुवान राज्य परिषद हङकङ प्रवास कार्य समितिका अध्यक्ष तथा नेपाल लिम्बुवानका केन्द्रिय नबराज काम्बाङले भन्नुभयो लिम्बुवान प्राप्तिको लागि लिम्बुवानमा नैं गएर प्रत्यक्ष रुपमा जनजागरण, जनचेतना र संगठन विस्तार गर्नु पर्ने बताए। विदेशमा कुनै कार्यक्रम गरेर मात्र लिम्बुवान प्राप्त गर्न नसकिने बताउंदै लिम्बुहरुको भाषा, लिपी, धर्म, संस्कार र आफ्नो लिम्बुवान भूमि मुक्तिको लागि आफ्नै लिम्बुवानवाट सृजित भएको झण्डा उठाउनु पर्ने राय व्यक्त गरे। ठूला पार्टीका नेताहरुले लिम्बुवान राजनैतिक संगठनको कुनै सिद्धान्त र विचार विनाको भन्ने गर्दछन्। त्यसैले अब लिम्बुवानले आफ्नै सिद्धान्त, विचार र अर्थतन्त्र विकास गरेको छ, उनले भने। लिम्बुवानमा नै विकास भएको संघीय सह-अस्तित्ववाद, इको इकोनमी अर्थतन्त्र र लिम्बुवानी राष्ट्रवादवाट मात्र लिम्बुवानको मुक्ति हुन सक्दछ। उनले भने, लिम्बुवान भुमी मुक्तिको लागि विदेशवाट भित्र्याइएको विदेशीवाद र सिद्धान्तले लिम्बुवानलाई झुक्याउने, षडयन्त्र गर्ने, ऐतिहासिक लिम्बुवानको भूगोललाई टुक्र्यउने, लिम्बुवानी जनतालाई भोट बैंकको रुपमा प्रयोग गर्ने र सधै एकात्मककरण गर्ने गर्दछन्।

परिषदका का.बा. सचिब हरिस्चन्द्र लावतीले सञ्चालन गरेको कार्यक्रममा स्वागत मन्तब्य मञ्च सम्बद्ध संघीय लिम्बुवान राज्य परिषद हङकङ प्रवास कार्य समितिका उपाध्यक्ष बिष्णु इङ्नामले व्यक्त गरेका थिए। लिम्बुवानी सांस्कृतिक कार्यक्रमका साथ सम्पन्न कार्यक्रममा गत मंसिर १० गते केन्द्रिय कार्य समितिले लाखौको संख्यामा बिराटनगरमा सम्पन्न भएको कार्यक्रमको लागि आर्थिक सहयोग गर्ने लिम्बुवान प्रेमी महानुभावहरुलाई मञ्च सम्बद्ध संघीय लिम्बुवान राज्य परिषद केन्द्रिय कार्य समितिले पठाएको प्रशंसा धन्यवाद पत्र परिषदका अध्यक्ष नबराज काम्बाङ्ग र उपाध्यक्ष उपाध्यक्ष विष्णु इङ्नाम मार्फत हस्तान्तरण गरेका थिए। कार्यक्रम मञ्च सम्बद्ध संघीय लिम्बुवान राज्य परिषद हङकङ प्रवास कार्य समितिका अध्यक्ष तथा केन्द्रिय सदस्य नबराज काम्बाङ्गको सभापतित्वमा सम्पन्न भएको थियो।

Popularity: 15%

2 comments January 8th, 2012

धरान ८ समाज हङकङको आठौं वार्षिक उत्सव

देवराज राई / एचकेनेपाल डट कम-
हङकङ, ७ जनवरी । धरान ८ समाज हङकङ स्थापनाको पाँचौ वार्षिक उत्सव विविध कार्यक्रम सहित शनिवार इण्डियन क्लवमा सम्पन्न भयो।

आत्मीय भाइचारा अभिवृद्धि गर्ने अभिप्रायले आयोजना गरिएको कार्यक्रममा धरानका विभिन्न क्षेत्रबाट हङकङ आई कार्यरत नेपालीहरुको उपस्थितिमा पाँचौ वर्षगाठ सम्पन्न भएको थियो।


तस्वीरः जगतअम्बु गुरूङ / एचकेनेपाल डट कम

धरानका अन्य वडाहरुलाई समेत संगठित भई सक्दो धरानलाई सहयोग गर्न आहृवानसहित आयोजित कार्यक्रममा धरान हङकङ मञ्चका अध्यक्ष बुद्धिमान सुनुवार प्रमुख अतिथिको रुपमा उपस्थित थिए।

समाजका अध्यक्ष सन्तोष पाख्रिनको अध्यक्षतामा सम्पन्न कार्यक्रममा धीरज लिम्बू र धर्मराज मगरले औपचारिक कार्यक्रमको संचालन गरेका थिए। धरान ८ समाजका उपाध्यक्ष शमसेर लिम्बूले स्वागत मन्तव्य व्यक्त गरेको कार्यक्रममा प्रमुख अतिथि बुद्धिमान सुनुवार, अतिथिहरु धरान १७ का राजु राई, हङकङ नेपाली महासंघका उपाध्यक्ष विष्णु पाख्रिनलगायतले शुभकामना मन्तव्य व्यक्त गरेका थिए।

कार्यक्रममा विविध मनोरञ्जनसहित रात्रिभोजको आयोजना गरिएको थियो।

थप तस्वीरहरू हेर्न यहाँ क्लिक गर्नुहोस्

Popularity: 32%

Add comment January 7th, 2012

चारभञ्जाङ समाजद्वारा शुभकामना आदनप्रदान

देवराज राई / एचकेनेपाल डट कम-
हङकङ, ७ जनवरी । तमुहरूको महान चाड ल्होछारको उपलक्ष्यमा चार भञ्ज्याङ समाज हङकङले विभिन्न क्षेत्रमा कार्यरत नेपालीहरुलाई लक्षित गरी शनिवार इण्डियन क्लवमा एक शुभकामना आदन प्रदान कार्यक्रम सम्पन्न गरेको छ।

तस्वीरः जगतअम्बु गुरूङ / एचकेनेपाल डट कम

विशेषतः गुरुङ समुदायका नेपालीहरुको उपस्थिति रहेको कार्यक्रममा तमू ट्यो हृयूलका अध्यक्ष अर्जुन गुरुङ प्रमुख अतिथिको रुपमा उपस्थित थिए। यहाँ स्थापना भएका विभिन्न संघसंस्थाका प्रतिनिधिहरुको उपस्थिति रहेको कार्यक्रममा नेपाली भेषभूषामा उपस्थिति भएका नेपालीहरु बीच राफल चिठ्ठा लगायतका मनोरञ्जनात्मक खेलहरु खेलाइएको थियो।

संस्थाका अध्यक्ष नारायण प्रसाद गुरुङको अध्यक्षतामा सम्पन्न भएको कार्यक्रममा वीरवहादुर गुरुङ, हेमबहादुर गुरुङ, विसन गुरुङ, दुर्गा गुरुङ, पदमकुमारी गुरुङ तथा अर्जुनकुमार गुरुङले ल्होछारको शुभकामनासहित मन्तव्य व्यक्त गरेका थिए।
थप तस्वीरहरू हेर्न यहाँ क्लिक गर्नुहोस्

Popularity: 19%

Add comment January 7th, 2012

विविध कार्यक्रमहरुसहित ‘नेपाली सप्ताह’ सम्पन्न

र्‍याली, सांस्कृतिक कार्यक्रम
एस /एचकेनेपाल डट कम-
हङकङ, १ जनवरी । प्रत्येक वर्ष डिसेम्बरको अन्तिम साता हर्षोल्लासका साथ मनाईने ‘नेपाली सप्ताह’ यस पटक पनि भव्यता साथ सम्पन्न भएको छ।

नेपाली सप्ताह २०११ को पहिलो दिन डिसेम्बर २५ तारिख झाँकीसहितको र्‍याली तथा सांस्कृतिक कार्यक्रम हङकङ नेपाली कला मन्दिरको आयोजना तथा हङकङ नेपलीज फाउण्डेसनको संयोजनामा सम्पन्न भयो।

सांस्कृतिक झाँकीसहितको र्‍याली युनलङ जकी क्लव टाउन स्क्वायर (घडी पार्क)देखि युनलङ थिएटरसम्म सम्पन्न भएको थियो। विभिन्न जातीय गाजाबाजासहितका सहभागीहरु जातीय पहिरनमा सजिएका थिए।

र्‍यालीमा युनलङ जिल्लापार्षदद्वय केन चाउ र माक यिप-सिङ, हङकङ नेपाली महासंघका अध्यक्ष दीप थापा, नेपालबाट आमन्त्रित कलाकारत्रय गणेश ‘रसिक’, धिरज राई र भुवन सुप्तिहाङलगायत विभिन्न संघसंस्थाका अध्यक्ष तथा प्रतिनिधि, गोर्खा भूतपूर्व सैनिक, शिक्षक-शिक्षिका, विद्यार्थी तथा अभिभावकहरुको सहभागिता रहेको थियो।

र्‍याली युनलङ थियटरमा पुगेपछि साँस्कृतिक कार्यक्रममा परिणत भएको थियो। उक्त अवसरमा जिल्ला पार्षद केन चाउ, मन्दिर तथा फाउण्डेसनका अध्यक्ष किसन राई र हङकङ नेपाली साहित्य परिषद्का अध्यक्ष तथा फाउण्डेसनका उपाध्यक्ष पशन तमूले सम्बोधन गरेका थिए।

‘हङकङको विकास र सम्बृद्धिको लागि नेपालीले पुर्‍याएको योगदानको हङकङले कदर गर्नु पर्छ,’ कार्यक्रमलाई सम्बोधन गर्दै जिल्ला पार्षद चाउले भने, ‘जिल्ला पार्ष्को नाताले म हङकङमा नेपाली भाषा, साहित्य, कला र संस्कृतिको लागि सामर्थ्यले भ्याएसम्म सहयोग गर्ने प्रतिवद्धता व्यक्त गर्दछु।’

फाउण्डेसनका अध्यक्ष राईले नेपाली सप्ताहको सन्देश नेपाली भाषा, साहित्य, कला र संस्कृतिलाई सम्मानको लागि स्थानीय जनतालाई आग्रह र संरक्षण र सम्बर्द्धनको लागि हङकङ सरकारसंग माग रहेको बताए थिए।

‘हङकङ हाम्रो घर हो, हामी यहाँको भाषा, संस्कृतिलगायत सिकिरहेका छौं र यहाँको मूलधारमा समाहित हुन आवश्यक छ,’ सम्बोधनको क्रममा राईले भने, ‘समाहितको नाममा हामी आफ्नो पहिचान गुमाउन चाहदैनौं। हामी नेपालीको पहिचानको रुपमा आफ्नै भाषा, साहित्य कला र संस्कृति भएकोले नेपाली सप्ताहमार्फत तिनलाई सम्मान गर्न स्थानीयलाई आग्रह र तिनको संरक्षण र सम्बर्द्धन गर्न हङकङ सरकारसंग माग गर्दछौं।’

उनले फाउण्डेसन र सो अन्तर्गतका संस्थाहरु अन्य संघसंस्थाका प्रतिस्पर्धी नरहेको बताउदै हङकङमा नेपाली भाषा, साहित्य, कला र संस्कृतिलगायतका लागि अन्य संघसंस्थासंग हातेमालो गरेर अगाडि बढ्ने प्रतिबद्धता व्यक्त गरेका थिए।

फाउण्डेसनका उपाध्यक्ष तमूले हङकङमा नेपाली समाज बसाउनको लागि नेपाली भाषा, साहित्य, कला र संस्कृतिको विकास हुन आवश्यक रहेको विचार व्यक्त गरेका थिए। उनले नेपाली पुर्खाको रुपमा रहेका बेलायती गोर्खा भूपू सैनिकले हङकङको विकासको लागि महत्वपूर्ण योगदान पुर्‍याएको बताएका थिए। उनले विशेष उद्धेश्यका साथ भेला भएको बताउंदै हङकङमा नेपालीको अस्तित्व र पहिचान खोज्दै सम्मुनत नेपाली समाजको निर्माण र नेपाली भाषा, कला, साहित्य र संस्कृति नयाँ पुस्तालाई हस्तान्तरण गर्न यी कार्यक्रमहरु आयोजना गरिएको बताए।

गोर्खाज सिमेट्रिज ट्रष्टका सचिव तथा फाउण्डेसनका कोषाध्यक्ष अमोद राईले आफ्नो स्वागत मन्तव्यको क्रममा नेपाली सप्ताहको बारेमा संक्षिप्त व्याख्या गरेका थिए।

कला मन्दिर तथा फाउण्डेसनका सचिव देवराज राईद्वारा संचालित कार्यक्रममा विभिन्न संघसंस्थाका कलाकार तथा विभिन्न विद्यालयका विद्यार्थीहरुले सांस्कृतिक र आधुनिक नृत्यहरु प्रस्तुत गरेका थिए।

साँस्कृतिक कार्यक्रमको भिडियोः

शतवार्षिकी तथा साहित्यिक गोष्ठी
नेपाली सप्ताह २०११ को तेस्रो दिन नेपाली साहित्यका युगकवि सिद्धिचरण श्रेष्ठको शतवार्षिकी तथा साहित्यिक गोष्ठी डिसेम्बर २७ तारिख युनलङ टाउन हलमा सम्पन्न भयो।

हङकङ नेपाली साहित्य परिषद्को आयोजना र हङकङ नेपलिज फाउण्डेसनको संयोजना रहेको कार्यक्रमका प्रमुखअतिथि साहित्यकार गणेश ‘रसिक’ रहेका थिए। परिषद्का अध्यक्ष पशन तमूको अध्यक्षतामा सम्पन्न कार्यक्रमको शुरुवातमा युगकविको तस्बिरमा पुष्प गुच्छा अर्पण गरिएका थिए।

उक्त अवसरमा प्रमुखअतिथि ‘रसिक’ले भाषा भनेको मानिसको पहिचान रहेको र त्यसको जगेर्नाको लागि व्यवहारमा लागू गर्न आवश्यक रहेको बताउदै भने, ‘भाषा, साहित्य, संस्कृति नारालेमात्र बाच्दैन र सरकारलेमात्रै पनि बचाउन सक्दैन। तिनको जगेर्नाको लागि व्यवहारमा लागू गर्न आवश्यक छ। नेपालमा हेर्नुहोस् संस्कृतको लागि सरकारले करोडौं खर्च गरिरहेको छ, तर त्यो भाषा प्राय मृत छ।’

मन्तव्यकै क्रममा उनले हङकङमा गरिने नेपाली साहित्यिक कार्यक्रमले नेपालको विषय, नेपाली साहित्य र साहित्यकारको बारेमा जानकारी दिने र नेपाली भाषा र साहित्य पुस्तान्तरणमा सहयोग पुग्ने विचार व्यक्र गरेका थिए।

सोही क्रममा उनले युगकविसंग जोडिएका क्षणहरुलाई स्मरण गरेका थिए। उनले आफ्नो जन्मस्थल र क्षेत्रलाई कवितामा व्यक्त गर्ने प्रथम नेपाली कवि सिद्धिचरण श्रेष्ठ रहेको दावी गरेका थिए। उनका अनुसार अहिले पनि युगकविका कविताहरु सान्दर्भिक र आम नेपालीका लागि प्रेरणादायी रहेका छन्।

हङकङ नेपलीज फाउण्डेसनका अध्यक्ष किसन राईको स्वागत मन्तव्यबाट शुरु भएको कार्यक्रममा जनजाति साहित्य समूहका संयोजक भूपेन्द्र चेमजोङले परिषद् र फाउण्डेसनले नेपाली जनजाति साहित्यकारलाई पनि सम्झेर कार्यक्रम तय गर्नु पर्ने सुझाउ दिएका थिए।

त्यसैगरि नेपाली साहित्य प्रतिष्ठानका सदस्य देश सुब्बाले सिद्धिचरण श्रेष्ठको शतवार्षिकी नेपालपछि दार्जिलिङले मनाएको र त्यसैको नक्कल गरिएको आशंका गर्दै आउदा दिनमा परिषद्कोतर्फबाट मौलिक कार्यक्रम गर्नु पर्ने विचार व्यक्त गरेका थिए।

समारोहमा सिर्जनशील साहित्य समाज हङकङका सचिव नरेश सुनुवारले भाषा, साहित्य, कला र संस्कृतिभित्र मानिस बाँचेको हुन्छ भन्दै ती चिज मानिससंगै सर्ने विचार व्यक्त गरेका थिए।

परिषद्का सचिव नन्दलाल थोकरको संचालन रहेको कार्यक्रममा राजेन्द्र थापा, कमल पौडेल, राजेन्द्र केरुङ, विष्णुनन्द चाम्लिङ, पुष्प लामा, नरजीत राई, मोति चाम्लिङ, बालकवि निस्सिमा राई, चन्द्र मादेन, देश सुब्बा, नरेश सुनुवार, लक्ष्मी राई र शरण लिम्बूलगायतले आफ्ना सिर्जनाहरु वाचन गरेका थिए। संचालक थोकरले कार्यक्रमको शुरुवातमा युगकविको संक्षिप्त परिचय दिएका थिए।

सोही अवसरमा लक्ष्मी राईले बेलायतका नेपाली सर्जकहरुद्वारा लेखिएका कृतिहरु परिषदका अध्यक्ष तमूलाई उपहारस्वरुप हस्तान्तरण गरिएका थिए।

कार्यशाला गोष्ठी
हङकङ नेपाली पाठ्यक्रम विकास परिषदको आयोजना तथा हङकङ नेपलीज फाउण्डेसनको संयोजनमा डिसेम्बर ३१ तारिख युन लङ थियटरको सभाकक्षमा विद्यार्थी र तिनका अभिभावकप्रति लक्षित कार्यशाला गोष्ठी सम्पन्न भएको छ।

हङकङ नेपलीज फाउण्डेसनका अध्यक्ष किसन राई प्रमुख अतिथि र फाउण्डेसनका उपाध्यक्ष तथा हङकङ नेपाली साहित्य परिषद्का अध्यक्ष पशन तमू विशेष अतिथि रहेको कार्यशाला गोष्ठीमा विभिन्न विद्यालयमा अध्ययन विद्यार्थी तिनका अभिभावक तथा नेपाली शिक्षक शिक्षिकाहरु सहभागी थिए।

अतिथि वक्ता मिस ब्रेन्दाले नेपाली विद्यार्थीहरुको पहिलो भाषाको महत्व तथा बालबालिकाहरुलाई कसरी अभिभावकहरुबाट सहयोग गर्ने भन्ने विषयमा प्रशिक्षण दिएकी थिइन्। शिक्षण पेशामा २० वर्षभन्दा बढी अनुभव सँगालेकी ब्रेन्दाले आफ्ना संस्कृति, संस्कार र नेपालसंग जोड्न नेपाली भाषा सिक्नु पर्ने बताइन्। विद्यार्थीले आफ्नो भाषा अध्ययन गर्न गौरव मान्नु पर्छ, उनले भनिन्।

कार्यशाला गोष्ठीमा डा. धिरज गुरुङ र डा. तुलाचनले बालबालिकाको मेन्टल हेल्थसम्बन्धी जानकारी दिएका थिए। गोष्ठीमा शिक्षिका पूर्णकला गुरुङले विद्यार्थीहरुलाई कसरी क्रियाटिभ राइटिङ लेख्ने भन्ने विषयमा प्रशिक्षण दिएकी थिइन्।

त्यसैगरी, फाउण्डेसनका अध्यक्ष तथा एभरेष्टका सम्पादक प्रकाशक किसन राईले हङकङमा नेपाली पत्रपत्रिकाको महत्वपूर्ण पक्षबारे जानकारी दिएका थिए।

कला मन्दिर तथा फाउण्डेसनका सचिव देवराज राईद्वारा संचालित कार्यक्रममा हङकङबाट स्नातकोत्तर डिग्री गरेका शिक्षकद्वय बिमल गुरुङ र शैलेन्द्र बोगटीलाई बधाई ज्ञापन गरिएको थियो।

Popularity: 34%

Add comment January 1st, 2012

हङकङमा युगकवि सिद्धिचरण श्रेष्ठको शतवार्षिकी

एस /एचकेनेपाल डट कम-
हङकङ, २७ डिसेम्बर । नेपाली सप्ताह २०११ को तेस्रो दिन नेपाली साहित्यका युगकवि सिद्धिचरण श्रेष्ठको शतवार्षिकी तथा साहित्यिक गोष्ठी डिसेम्बर २७ तारिख युनलङ टाउन हलमा सम्पन्न भयो।

हङकङ नेपाली साहित्य परिषद्को आयोजना र हङकङ नेपलिज फाउण्डेसनको संयोजना रहेको कार्यक्रमका प्रमुखअतिथि साहित्यकार गणेश ‘रसिक’ रहेका थिए। परिषद्का अध्यक्ष पशन तमूको अध्यक्षतामा सम्पन्न कार्यक्रमको शुरुवातमा युगकविको तस्बिरमा पुष्प गुच्छा अर्पण गरिएका थिए।

उक्त अवसरमा प्रमुखअतिथि ‘रसिक’ले भाषा भनेको मानिसको पहिचान रहेको र त्यसको जगेर्नाको लागि व्यवहारमा लागू गर्न आवश्यक रहेको बताउदै भने, ‘भाषा, साहित्य, संस्कृति नारालेमात्र बाच्दैन र सरकारलेमात्रै पनि बचाउन सक्दैन। तिनको जगेर्नाको लागि व्यवहारमा लागू गर्न आवश्यक छ। नेपालमा हेर्नुहोस् संस्कृतको लागि सरकारले करोडौं खर्च गरिरहेको छ, तर त्यो भाषा प्राय मृत छ।’

मन्तव्यकै क्रममा उनले हङकङमा गरिने नेपाली साहित्यिक कार्यक्रमले नेपालको विषय, नेपाली साहित्य र साहित्यकारको बारेमा जानकारी दिने र नेपाली भाषा र साहित्य पुस्तान्तरणमा सहयोग पुग्ने विचार व्यक्र गरेका थिए।

सोही क्रममा उनले युगकविसंग जोडिएका क्षणहरुलाई स्मरण गरेका थिए। उनले आफ्नो जन्मस्थल र क्षेत्रलाई कवितामा व्यक्त गर्ने प्रथम नेपाली कवि सिद्धिचरण श्रेष्ठ रहेको दावी गरेका थिए। उनका अनुसार अहिले पनि युगकविका कविताहरु सान्दर्भिक र आम नेपालीका लागि प्रेरणादायी रहेका छन्।

हङकङ नेपलीज फाउण्डेसनका अध्यक्ष किसन राईको स्वागत मन्तव्यबाट शुरु भएको कार्यक्रममा जनजाति साहित्य समूहका संयोजक भूपेन्द्र चेमजोङले परिषद् र फाउण्डेसनले नेपाली जनजाति साहित्यकारलाई पनि सम्झेर कार्यक्रम तय गर्नु पर्ने सुझाउ दिएका थिए।

त्यसैगरि नेपाली साहित्य प्रतिष्ठानका सदस्य देश सुब्बाले सिद्धिचरण श्रेष्ठको शतवार्षिकी नेपालपछि दार्जिलिङले मनाएको र त्यसैको नक्कल गरिएको आशंका गर्दै आउदा दिनमा परिषद्कोतर्फबाट मौलिक कार्यक्रम गर्नु पर्ने विचार व्यक्त गरेका थिए।

समारोहमा सिर्जनशील साहित्य समाज हङकङका सचिव नरेश सुनुवारले भाषा, साहित्य, कला र संस्कृतिभित्र मानिस बाँचेको हुन्छ भन्दै ती चिज मानिससंगै सर्ने विचार व्यक्त गरेका थिए।

परिषद्का सचिव नन्दलाल थोकरको संचालन रहेको कार्यक्रममा राजेन्द्र थापा, कमल पौडेल, राजेन्द्र केरुङ, विष्णुनन्द चाम्लिङ, पुष्प लामा, नरजीत राई, मोति चाम्लिङ, बालकवि निस्सिमा राई, चन्द्र मादेन, देश सुब्बा, नरेश सुनुवार, लक्ष्मी राई र शरण लिम्बूलगायतले आफ्ना सिर्जनाहरु वाचन गरेका थिए। संचालक थोकरले कार्यक्रमको शुरुवातमा युगकविको संक्षिप्त परिचय दिएका थिए।

सोही अवसरमा लक्ष्मी राईले बेलायतका नेपाली सर्जकहरुद्वारा लेखिएका कृतिहरु परिषदका अध्यक्ष तमूलाई उपहारस्वरुप हस्तान्तरण गरिएका थिए।

Popularity: 4%

Add comment December 27th, 2011

Previous Posts


पशन तमू @ Twitter

Hong Kong Weather

Subscribe to our videos!


Calendar

August 2018
M T W T F S S
« Feb    
 12345
6789101112
13141516171819
20212223242526
2728293031  

Posts by Month

Posts by Category