हङकङ समाचार तथा विविध जानकारी

हङकङका उच्च अधिकारीहरुसंग नेपालीको अर्न्तक्रिया

एचकेनेपाल डट कम संवाददाता -
हङकङ, यहाँका नेपालीहरुका समसामायिक समस्या समाधान तथा जानकारी लिन र दिनका लागि नेपाली जनसरोकार समाजले स्थानीय चिनीयाँ अधिकारीहरुसंग एक छलफल कार्यक्रमको आयोजना गरेको छ।

हङकङ बिधान सभाका अध्यक्ष तथा हङकङको सबैभन्दा लोकप्रिय डिएवि पार्टीका संस्थापक अध्यक्ष छँङ्ग योक सिं र सोही पार्टीका अल्पजाति समन्वय समितिका अध्यक्ष अलबर्ट लाम सो छलफलमा सहभागी थिए।

नेपाली सामुदायिक घर, नेपाली नागरीकलाई हङकङमा लगाईएको अनिवार्य भिसा नीति, नेपाली वालवलिकाहरुको शैक्षिक योग्यताको मान्यता तथा प्रमापिकरण र हङकङमा रहेका नेपाली मजदुरहरु सम्बन्धि समस्याका बारेमा छलफल भएको थियो।

हङकङ सरकारको स्थानीय अल्पसंख्यक जातिलाई हेर्ने स्पष्ट अख्तियारवाला निकाय हालसम्म स्थापना नभएकोले हरेक मामलालाई सो प्रकृति अनुरूप सम्बोधन गर्न पर्ने वाध्यता रहेको र कतिपय आवश्यकिय कुराहरुको सम्वोधन हुन नसकेको तर डिएबि पार्टीले सो प्रकारको निकायको ब्यबस्था गर्नका लागि सरकारमा पहल गर्ने जानकारी अधिकारीहरुले दिए।

हङकङमा नेपालीहरुबीच साझा सवालमा पनि एकता कायम हुन नसकेकाले कतिपय जायजमाग पनि किनारामा परेको र सोको परिणाम स्वरुप नेपाली सामुदायिक घरको माग चोटिलो बन्न नसकेको हुनसक्ने राय पनि उनीहरुले राखे। अल्पजातिय समुदायिक घर हङकङमा वेलायती उपनिवेश हुँदाको नीति रहेको तर वर्तमान सरकारको सो प्रकारको प्रावधान नरहेता पनि तत्काल कुनै प्रयोगमा नरहेको कुनै सरकारी भवन तथा जग्गा पत्ता लगाउन सकिएमा नेपाली समुदायिक घरको लागि पहल गरिदिने बचन दिए।

तात्कालिन परिस्थितिको आधारमा नेपाली नगारिकमा अनिवार्य अग्रिम भिसा नीति लागु भएतापनि हाल नेपालको परिस्थिति परिवर्तन भएकोले सोमा पुनर्विचार हुन सक्ने सम्भावना रहेको र आफ्नो तर्फबाट कोशिश गर्ने बताए। तथापि, नेपाली महावाणिज्य दूतावास तथा समाजको तर्फबाट अध्यागमनका सरोकारवाला संग पत्राचार तथा छलफल गर्ने सुझाव दिए। अन्तर्क्रियामा अन्य विविध विषयमा ब्यापक छलफल तथा जानकारी लिने दिने कार्य सम्पन्न भएको थियो।

स्मरण रहोस् बिधान सभाका अध्यक्ष छँङ्ग योकसिंले एक पटक नीजि र एक पटक अर्ध सरकारी भ्रमणबाट नेपालका तत्कालीन प्रधानमन्त्री प्रचण्ड र राष्ट्रपति डा. रामवरण यादव लागायतका उच्च पदस्त अधिकरी संग आपसी सौहाद्रता भेट गरिसकेका छन्। साथै उनले सन २००९ मा नेपाली पर्यटन लागि नेपाली महावाणिज्यदुतावासका साथ हङकङस्थित ट्रभल एजेन्सीको ब्यापक भेलागरी प्रवर्धन गर्ने पहल पनि गरेका थिए।

करीव ३ धण्टा चलेको उक्त कार्यक्रममा नेपाली जनसरोकारको तर्फबाट अध्यक्ष बिष्णु गुरुङ, एनेकपा माओवादी हङकङका सचिब तथा समाजका सल्लाहकार पुर्ण लोक्सोम लगायतका १६ जना प्रतिनिधिहरुको सहभागिता रहेको थियो।

Recent Videos:

Popularity: 8%

2 comments May 31st, 2011

हङकङमा पोखरा मेगा लाइभ कर्न्सट-२

एस, हङकङ / एचकेनेपाल डठ कम-
नेपाली चर्चित कलाकारहरुको सहभागितामा आइतबार युङ लङ थिएटर हलमा एक कर्न्सटको आयोजना गरियो।

ख्यातिप्राप्त हास्यकलाकार सन्तोष पन्त, एडि्रन प्रधान, रामचन्द्र काफ्ले, जुनु रिजाल काफ्ले, गौतम गुरुङ, लेकाली व्याण्ड लगायतको प्रस्तुति रहेको ‘पोखरा मेगा लाइभ कर्न्र्सट-२’ जोर्डनस्थित भेटघाट क्लबद्वारा आयोजित थियो।


तस्वीरः जगतअम्बु गुरूङ / एचकेनेपाल डठ कम

दुइघण्टा ढिलो गरी करिब साढे दुइ घण्टा चलेको कार्यक्रममा गायक दम्पत्ति रामचन्द्र र जुनु काफ्लेको युगल प्रस्तुति अत्यधिक रुचाइए। एडि्रनका गीत समेत हङकङेलीहरुका लागि नौलो थिएनन तर यिनलाई सुन्ने धोको अझै मरेको रहेनछ। ‘सारा खुशी समेटी…’ बाट सुरु भएका उनले लगालग स्लो विटकै गीत ‘छुदैन तिम्रो मायाले…’, र ‘नभन मेरो माया लाग्छ भनी…’ गाए।


दर्शकहरु नाच्ने मुडमा थिए । भावना बुझसिकेका उनले जोशिलो भाका हाले ‘जसो गर जे भन जता सुकै लैजाउ मलाई…’ । अधिकांश दर्शकहरुले उनलाई संगै नाचगान गरी साथ दिए।

गायनका क्रममा काफ्ले दम्पत्तिको प्रस्तुति समेत बेजोड रह्यो। प्रेमीप्रेमिकाले झै गरिएको यिनका छेडखानीले आइतबारे साँझ दर्शकहरुलाई मनग्य मनोरञ्जन दियो। यिनका दोहोरीमा बारम्बार ताली मात्र गुञ्जेनन्। युङ लङ टाउन हलमा हाँसोका फोहरा पनि उत्तिकै बर्सिए। रामचन्द्रले एकल गायनका क्रममा चर्चित भाका ‘दिलको माया नौं मुरी…’, ‘म त काली पारे…’, ‘मेरो माया कलकल बग्ने धाराको पानी…’ लगायतका आधा दर्जन गीत गाएर दर्शकको मन जिते। जुनुले भने ‘फूल टिप्ने मन भए…’, ‘दिलको माया..’ लगायतका गाइन्।


लेकाली समूहको पुराना गीतहरु समेत हङकङेली युवाहरुलाई अझै कण्ठै रहेछ। समूहका गायक भाइले ‘यो मुटुमा माया धेरै…’, ‘पहिलो नजर…’, गाउदा दर्शकहरुले संगै भाकाहाली साथ दिए। नेपथ्यका पूर्व सदस्य गौतम गुरुङले ‘जोमसोमै बजारमा…’, ‘गण्डकीको तिरैमा…’, ‘लजाउने मायाको चुलबुले बानी…’ लगायतका गाए। त्यसो त कर्न्सट भनिएपनि उक्त साँझ हास्य पनि समेटिएको थियो।


छयाँङ छुर्पी शेर्पाको भेषमा हास्यकलाकार सन्तोष पन्तको प्रहसन समेत दमदार रह्यो। बीस पटक भन्दा बढी सगरमाथा चढेका शेर्पारुपी पन्तमा नामको भन्दा दामको भोक देखियो। यिनले शेर्पा जातिकै लवजमा समसामयिक व्यगं गर्दा हलमा बारम्बार हाँसोको फोहरा छुट्यो।


कर्न्सटमा कन्दराका गायक विवेक श्रेष्ठ आउने बताइएका भएपनि उनको अनुपस्थितीले भने कतिपय दर्शकले कार्यक्रम खल्लो भएको सुनाए। वाद्यवादकहरु अमित, तेज, विजय, सुनिललगायतले सघाएको कर्न्र्सटमा स्थानीय कलाकार मनु तामाङ र सुनिता गुरुङले नृत्य प्रस्तुत गरेका थिए।

Recent Videos:

Popularity: 10%

Add comment May 3rd, 2011