हङकङ समाचार तथा विविध जानकारी

हंगकंग नेपाली महासंघको पाँचौ महाधिवेशन सम्पन्न

March 15th, 2006

एचकेनेपाल डट कम, मार्च १५-
हंगकंग, हंगकंगको सामाजिक ऐन अन्तर्गत दर्ता भएका २७ वटा नेपाली संघ संस्थाहरुको साझा छाता संगठन हंगकंग नेपाली महासंघको पाचौं महाधिवेशन यहि मार्च १२ मा जोर्डनस्थित इण्डिया क्लवमा सम्पन्न भयो।

सदस्य संस्थाका ७८ जना प्रतिनिधि तथा ३० जना पर्यवेक्षक सहभागी रहेको उक्त अधिवेशनले आगामी दुइवर्षको लागि हेजेन राईको अध्यक्षतामा ५ सदस्यीय कार्यसमितिको चयन गरेको छ।

कार्यसमितिको उपाध्यक्षमा स्याङ्गजा जनसेवा समितिका भक्तवहादुर गुरुंग, महासचिवमा नेप्लिज युथ क्लवका हेम लिम्बु, सचिवमा मोनाका इन्द्र थापा र कोषाध्यक्षमा मित्तेरी समाजका मानप्रसाद गुरुंगलाई चयन गरेको छ।

महासंघले नयाँ कार्यसमितिको निर्वाचनको लागि आफ्नो विधान अनुसार निर्वाचन आयुक्त भक्त गुरुंगको अध्यक्षतामा इन्द्र वनेम र भरत थापा सदस्य रहेको तीन सदस्यीय निर्वाचन मण्डल गठन गरेको थियो । महासंघको निर्वाचन सम्पूर्ण प्रतिनिधिहरु र विघटित कार्यसमितिका पदाधिकारीहरुको दूरदर्शीपूर्ण सोंच र सहयोगबाट निर्विवादित रुपमा सर्वसम्मतीले सम्पन्न हुन सकेको कुरा निर्वाचन आयुक्त गुरुङले बताउनुभयो।

अधिवेशनले हेमवहादुर तामाङ्गको अध्यक्षतामा प्रेमचन्द्र राई र उत्तरमान लिम्बु सदस्य रहेको अध्यक्ष मण्डल पनि गठन गरेको थियो । अधिवेशनले महासंघको विधान संसोधन प्रस्ताव तथा आगामी कार्यक्रमहरुको दस्तावेजलाई वृहत छलफलपश्चात संशोधन सहित पारित गरेको छ । यसपूर्व उद्घाटन समारोहमा कार्यवाहक महावाणिज्यदूत हिमलाल भट्टराईले प्रमुख अतिथिको आसनबाट महासंघको सफलताको लागि शुभकामना दिनुभएको थियो। विभिन्न सदस्य संस्थाका अध्यक्षहरु, शानेवानि, एनआरएन र वाणिज्यसंघका प्रतिनीधिहरुले महासंघको सफलताको लागि शुभकामना दिनु भएको थियो।

उद्घाटन समारोह महासंघका निवर्तमान अध्यक्ष गणेश इजमको अध्यक्षतामा सम्पन्न भएको थियो।

फोटोः एचकेनेपाल डट कमका लागि जगत (अम्बु) गुरूंग र मातृदीप राई। थप फोटो हेर्नका लागि यहां क्लिक गर्नुहोस्।

Popularity: 3%

Entry Filed under: हङकङको समाचार