हङकङ समाचार तथा विविध जानकारी

हङकङमा नेपाली भाषा साहित्य संस्कृति सप्ताह (+Photo)

December 31st, 2006

एचकेनेपाल डट कम, डिसेम्बर ३० -
भाषा साहित्य संस्कृति जाति पहिचानको आधार मानेर यसलाई संस्थागत गर्दै यसैको आधारमा नेपाली एकता र समृद्धिलाई बढावा दिँदै लैजाने उद्देश्य सहित वर्षो अन्तिम सप्ताहलाई (२५ दिसम्बरदेखि ३१ दिसम्बर) नेपाली भाषा साहित्य संस्कृति सप्ताहको रुपमा मनाउन पोहर सालदेखि शुरु गरेको हङकङ नेपाल कला मन्दिद्वारा यसपालि पनि विविध कार्यक्रमहरुको आयोजना गरियो।


दिसम्बर २५ तारीखका दिन ठूलो जनसहभागिता रहेको नेपाली समूहले नेपाली पहिरनमा नेपाली गीत, नृत्य तथा भावभंगीहरु गर्दै युनलङ नगरपरिक्रमा गरी युनलङ टाउनहलमा गई विविध सांस्कृतिक कार्यक्रमको आयोजना गरी शुभारम्भ भएको नेपाली भाषा साहित्य संस्कृति सप्ताहको अन्तिम दिन अर्थात दिसम्बर ३१ तारीखका दिन युनलङ थियटरमा अल्पसंख्यक जातिहरुकालागि यसै वर्ष देखि हङकङ सरकारबाट डेजिगनेटेड स्कूलको रुपमा निर्धारण गरिएको सरकारी विद्यालयहरुमा नेपाली विषय लिई अध्ययान गरी रहेका नेपाली विद्यार्थीहरुको संलग्नतामा नेपाली भाषा संम्बन्धी कार्यशिविर सम्पन्न गरी सप्ताहको अन्त्यौली गरियो।

उक्त कार्यक्रममा उपस्थित विद्यार्थीहरु तथा अभिभावकहरुलाई नेपाली गीत संगीतको उद्भव यसको विकासक्रमका बारेमा प्रवचन दिनु भएको भएको थियो। उहाँलाई गीतकार शिव प्रधान, गायक विजय गुरुङ, वाद्यवादक रमेश राई र गायक वीरवहादुर थापाले समेत सहयोग गर्नु भएको थियो। कार्यक्रममा मित्रसेनदेखि अम्बर गुरुङसम्म चर्चा गरियो र नेपाली संगीतकाशमा कोशेढुंगाको रुपमा रहेका गीतहरु प्रस्तुत गरिएको थियो। सो कार्यक्रममा हङकङ नेपलिज फाउण्डेशनका अध्यक्ष एकराज राईले नेपाली गीतसंगीतमा नेपाली भाषा र साहित्यको प्रयोग र वर्तमान अवस्थाका बारेमा चर्चा गर्दै विद्यार्थीहरुलाई सहज बनाइदिनु भएको थियो।

कार्यशिविरमा विद्यार्थीहरुले भाषिक सीप, शब्दचोच्चरण, बोध, व्याकरण, शब्दभण्डार विकास लगायतका विविध क्षेत्रका बारेमा चर्चा गरेका थिए। कार्यक्रमको प्रारम्भमा विद्यार्थीहरुले आफैले सृजना गरेका कविताहरु पाठ गरेका थिए। कार्यक्रममा र्सवाधिक नेपाली विद्यार्थीहरु संलग्न पीके कलेज, पीएच केन्द्रीय प्राथमिक विद्यालय, सर एलिस कादुरी स्कूल, तुनकुन प्राथमिक विद्यालयका विद्यार्थीहरुले सहभागीता जनाएका थिए।

दिसम्बर २७ तारीखका दिन हङकङका प्राय सबै नेपाली लेखक, कवि, कलाकारहरुको तस्बिर एवं हालसम्म हङकङबाट प्रकाशित सबै नेपाली लेखकहरुका कृतिहरु प्रदर्शनी गरेको थियो। सोही दिन हङकङेली नेपाली साहित्यको उद्भव, विकास र यसको वर्तमान स्थितिका बारेमा बिचारबिमर्श भएको थियो। युनलङ थिएटरमा सम्पन्न भएको उक्त र्सजक र सिर्जना कार्यक्रममा यहाँ रहेका साहित्यकार पत्रकारहरुले सहभागिता जनाएका थिए। हङकङमा रहेका नेपाली विधार्थीहरुले साहित्यकारहरुका तस्बिरहरु र उनीहरुका कृतिहरुको अवलोकन गरेका थिए।

हङकङ नेपलिज फाउण्डेशनको संयोजकत्वमा सम्पन्न भएको नेपाली भाषा सहित्य सप्ताहको पहिलो दिन हङकङमा रहेका शिक्षक, विधार्थी, अभिभावक, विभिन्न संघसंस्थाका प्रतिनिधि, कलाकार, पत्रकार तथा र्सवसाधारणहरुले नेपाली पोसाक लगाई, सयपत्री फूल, कलस, मादल, बाँसुरी, ढोल बोकी परिक्रममा सहभागी भएका थिए। कार्यक्रममा युनलङ डिष्ट्रिक अफिसर मार्क ईप सिङ, युनलङ पुलिस कमिशनार बीजे स्मिथ लगायतका व्यक्तिहरु सहितको झाँकीले होनलोक रोड, काइयुक रोडहुँदै युनलङ टाउनहलसम्म परिक्रमा गरेको थियो। परिक्रमा पछि सांस्कृतिक कार्यक्रमको आयोजना गरिएको थियो।

सांस्कृतिक कार्यक्रममा शिव प्रधान, टोपराज तामाङ, बिजय गुरुङले नेपाली गीतहरु प्रस्तुत गरको सो कार्यक्रममा नेपाली नृत्यहरु समेत प्रस्तुत गरिएको थियो। सो सांस्कृतिक कार्यक्रममा युनलङ क्षेत्रका पुलिस कमिशनार बीजे स्मिथ, एभरेष्ट साप्ताहिकका सम्पादक किसन राई, शिव प्रधान, नेपाली महासंघका महासचिव हेम लिम्बू, कमला खप्तावली, एकराज राई र अमोद राईले सम्बोधन गरेका थिए।

फोटोः जगत अम्बु गुरुङ / एचकेनेपाल डट कम। थप फोटोहरु हेर्न यहाँ क्लिक गर्नुहोस्।

Popularity: 5%

Entry Filed under: हङकङको समाचार