हङकङ समाचार तथा विविध जानकारी

कमेडी शो सफल पार्न ८० हजार संकलन (+Photo)

September 7th, 2007

एचकेनेपाल डट कम, सेप्टेम्बर १ -
गैर आवासीय नेपाली संघ (एनआरएन) हङकङद्वारा आगामी २३ सेप्टेम्बर युन लोङ थियटर हलमा प्रदर्शन गर्न गै रहेको कमेडी शो तथा विविध साँस्कृतिक कार्यक्रमलाई भव्यताका साथ सफल पार्न सहयोग रकम करिव ८० हजार हङकङ डलर संकलन गरिएको छ।

एनआरएन हङकङद्वारा गत शनिवार जोर्डनस्थित कङ्गन रेष्टुरेण्टमा आयोजित जानकारी सभामा उक्त रकम संकलन गरिएको हो। एनआरएन हङकङका अध्यक्ष यामकुमार गुरुङ, एनआरएन अन्तर्राष्ट्रिय समन्वय परिषद सदस्य प्रितम श्रेष्ठ र विनोद कुमार भिमसारियाले १० / १० हजार हङकङ डलर सहयोग प्रदान गर्नु भएको थियो। सोही दिन कार्यक्रममा उपस्थित भएका सहभागीहरुले उपलव्ध गराइएको सहयोग रकम जम्मा ७६ हजार २ सय हङकङ डलर संकलन भएको थियो।

जानकारी सभामा मन्तव्य प्रकट गर्नुहुदै प्रमुख अतिथि का. वा. महावाणिज्यदूत हेमलाल भट्टराई। तस्विरः जगत अम्बु गुरुङ / एचकेनेपाल डट कम। थप तस्विरहरु हेर्न यहाँ क्लिक गर्नुहोस्।

एनआरएन अन्तर्राष्ट्रिय समन्वय परिषद सदस्य गणेश इजमले कार्यक्रममा कमेडी शो - प्रथम हिमालय हांस्य संगालो २००७ को बारेमा जानकारी दिनुका साथै आगामी अक्टोबर १४ देखि १७ तारिखसम्म आयोजना हुन गै रहेको एनआरएनको तेस्रो विश्व सम्मेलन र गैर आवासीय नेपाली सम्बन्धि हालै सरकारले पारित गरेको बिधेयकबारेमा जानकारी दिनु भएको थियो। एनआरएन अन्तर्राष्ट्रिय समन्वय परिषद सदस्य प्रितम श्रेष्ठले पनि कार्यक्रममा एनआरएनका विषयमा प्रकाश पार्नु भएको थियो।

एनआरएन अध्यक्ष यामकुमार गुरुङको अध्यक्षतामा सम्पन्न जानकारी सभाको प्रमुख अतिथिमा कार्यवाहक महावाणिज्यदूत हेमलाल भट्टराई र विशेष अतिथिमा हङकङ नेपाली महासंघका अध्यक्ष हेजेन राई रहनु भएको थियो। जानकारी सभामा एनआरएन अन्तर्राष्ट्रिय समन्वय परिषद कोषाध्यक्ष प्रकाश पुन र एनआरएन अन्तर्राष्ट्रिय समन्वय परिषद सदस्य दीपक खड्काको समेत उपस्थिति रहेको थियो। कार्यक्रमलाई एनआरएन हङकङका सचिव विश्वजंग गुरुङले सञ्चालन गर्नु भएको थियो भने अर्थ संकलन कार्यमा एनआरएन हङकङका उपाध्यक्ष सुमलकुमार गुरुङको विशेष सक्रियता रहेको थियो।

Popularity: 3%

Entry Filed under: हङकङको समाचार