हङकङ समाचार तथा विविध जानकारी

हङकङ नेपाली फुटबल टिमद्वारा सहारा क्लबलाई सहयोग (+Photo)

May 4th, 2008

धन बस्नेत, पोखरा / एचकेनेपाल डट कम, मे ४ -
फुटबलमा ख्याति कमाएको सहारा क्लब पोखरालाई हङकङ नेपाली फुटबल संघले आइतबार पोखरामा ७५ हजार रुपैया सहयोग प्रदान गरेको छ।

अनाथ असहाय बालकहरुको सहयोगका लागि हङकङबाट आएका संघका खेलाडी अनिल गुरुङले क्लबका अध्यक्ष विक्रम थकालीलाई एक कार्यक्रमका बीच रकम हस्तान्तरण गरेका हुन्। सहाराका अनाथ बच्चाहरुलाई केही गरौ र फुटबल खेलौ भनेर सहयोग प्रदान गरिएको हो, गुरुङले भने। हङकङमा रहेका नेपाली फुटबलप्रेमीहरुले आर्थिक सहयोग संकलन गरेर जम्मा भएको रकम सहारा क्लबलाई प्रदान गरेका हुन्।

सहारा क्लबले विगत तीन वर्षदेखि असहाय अनाथ बालकहरुलाई संरक्षण गरी बाल एकेडेमी संचालन गदै आएको छ। हङकङको नेपाली फुटबल टोली सेभेन ए साइड अन्तर्राष्ट्रिय फुटबल खेल्न पोखरा आएको बेला सहयोग हस्तान्तरण गरेको हो।

पोखराबाट: धन बस्नेत, तस्विरः सुदर्शन रन्जित / एचकेनेपाल डट कम।

Popularity: 4%

Entry Filed under: हङकङको समाचार, खेलकुद