हङकङ समाचार तथा विविध जानकारी

महिला सभासदद्वय भुसाल र राई हङकङमा

June 19th, 2010

एस, हङकङ/ एचकेनेपाल डट कम-
संविधानसभाका महिला सभासदद्वय पुष्पा भुसाल र उषाकला राईले निर्धारित समयभित्र संविधान निर्माण हुन नसक्नुमा शीर्ष नेताहरू दोषी रहेको बताएका छन्।

सभासदद्वय पुष्पा भुसाल र उषाकला राई। तस्वीरः जगतअम्बु गुरूङ/ एचकेनेपाल डट कम

हङकङ नेपाली महासंघद्वारा शुक्रवार साँझ जोर्डनस्थित कङ्गन रेष्टुरेण्टमा आयोजित एक कार्यक्रममा बोल्दै सभासद भुसालले नेताहरूको गैरजिम्मेवारीपनले निर्धारित समयभित्र संविधान बन्न नसकेको बताइन्। राज्यले दिएको जिम्मेवारीप्रति नेताहरू गम्भीर हुन सकेनन् भुसालले भनिन्। ‘म्याद थप्ने सहमति भएपनि नेताहरू अझै मुल मुद्दामा प्रवेश गर्न सकेका छैनन्’, भुसालले भनिन्।

त्यसै गरी, सत्ता मोह र लुछाचुडीका कारण संविधान बन्न नसक्नुमा शीर्ष नेताहरू दोषी रहेको सभासद राईले बताइन्। ‘नेताहरूले चाहेमा १ वर्ष होइन, ६ महिनामै संविधान बन्छ’, उनले भनिन्। ‘नेताहरू शान्ति प्रक्रिया र संविधान निर्माणप्रति जिम्मेवार देखिएको छैन।’

सभासदद्वय भुसाल र राई इन्टरनेशनल गर्भरमेन्टल अर्गनाइजेशनको आयोजनामा एसियाली द्वन्द्वपीडित राष्ट्रहरुबीच द्वन्द्व समाधान तथा संविधान निर्माण विषयक अन्तर्क्रियामा सहभागी हुन हङकङ आएका हुन्।

कार्यक्रममा नेपाली महावाणिज्यदूत विनोद उपाध्याय, संसद सचिवालयका उप-सचिव सुर्दशन खड्का, आइडिया इन्टरनेशनलका संयोजक खुशी चौधरी, नेपाली संघसंस्थाका अध्यक्ष तथा प्रतिनिधिहरू उपस्थित थिए।

Recent Videos:

Popularity: 3%

Entry Filed under: हङकङको समाचार