संखुवा-सभा समाज हङकङको वृक्षरोपण कार्यक्रम
July 11th, 2010
कोरङ्गी प्रेम, / हङकङ/ एचकेनेपाल डट कम -
हङकङमा विद्ममान नेपाली संघ संस्थाहरुमा छुट्टै पहिचान बनाउन सफल संखुवासभा समाजले सन २००८ बाट शुरु गरेको वृक्षरोपण कार्यक्रमलाई यो साल पनि निरन्तरता दिएको छ।
बिदेशमा बसे पनि हङकङ हाम्रो कर्म थलो बनेकोले हामीरुले यहाँको बिकासमा टेवा पु-याउन केही योगदान गर्नु पर्ने हुनाले यहांको वातावरणलाई प्रदुषण मुक्त राख्न यो कार्यक्रमलाई निरन्तरता दिएको कुरा अध्यक्ष हेम राईले बताउनु भयो।
गतिविधीहरुको हिसावले हाम्रा कार्यक्रमहरु नितान्त नौलो हुने भएकोले संखुवासभा समाजको छुट्टै पहिचान बनेको बताउनुहुन्छ सल्लाहकार उपेन्द्र कोरंगी। ४० जनाको सहभागीता रहेको उक्त कार्यक्रममा यो वर्ष २ सय नयां बिरुवाहरु थपिएका छन्।
सधैं जागिर, घर धन्दा र भीडभाडबाट मुक्त रहन र नेपालको डांडाकांडा वन जंगल अनि उकाली ओरालीको तिर्सना मेटाउन यस्तो कार्यक्रम समय समयमा आयोजन गर्नु पर्ने कुरामा जोड दिनुहुन्छ अर्का सल्लाहकार चक्रबहादुर राई।
सबै भन्दा रोचक पक्ष त संखुवासभा जिल्ला निवासी ८० बर्षीय बृदद्वय भक्तबहादुर गुरुङ र टेकबहादुर गुरुङ सो कार्यक्रममा सहभागी हुन पाएकोमा असाध्यै खुशी देखिन्थे। समुद्र सतहबाट ३ सय ४० मीटर उचाईमा रहेको सो डांडा चढ्ने सवालमा स्वां स्वां र फ्वां फ्वां गर्दै कठिनाईको महशुस गर्दा संखुवासभा जिल्लामा गाईने हाक्पारे कुर्रै ढाडे गीतको बोल गाएर सहभागीहरु सबैलाई हौस्याएको देख्न पाइन्थ्यो।
हेम राईको संयोजन रहेको उक्त कार्यक्रमको उपाध्यक्ष तुलबहादुर गुरुङ, एमबी राई, कुमार गुरुङ, कृष्ण गुरुङ, बीरबहादुर राईले ब्यबस्थापन गरेका थिए। वार्षिक रुपमा आयोजना गरिने सो कार्यक्रम यो पटक तेश्रो हो। सन् २००८ बाट शुरु गरिएको यो कार्यक्रमलाई भबिष्यमा पनि निरन्तरता दिने बताउंछन भूपू अध्यक्ष खेमाहाङ्ग जिमी।
Popularity: 2%
Entry Filed under: हङकङको समाचार
2 प्रतिक्रियाहरू / Comments आफ्नो प्रतिक्रिया दिनुहोस् / Add your own
1. kris | July 16th, 2010 at 11:02 pm
realy good news.S.S.Samaj ko naya ra chhutai pahichan ko Programme parti hami nepali haru le khusi ra garba garnu pardacha;
2. ThuleDai सिंगापुर | July 25th, 2010 at 2:19 pm
आउँदो दिनहरुमा पनि एस्तै प्रकृतिक सम्पदाको संरक्षण गर्दै संसार कै एक दुखदायी चिन्ताको विषय “ग्लोबल वार्मींग” लाई मध्य नजर राखी वृक्षारोपण गरेकोमा शत प्रतीशत सहमती जनाउँदै भविष्यमा पनि निरन्तरता पाउनेछ भन्ने आशा बोकेको छु |
आफ्नो प्रतिक्रिया दिनुहोस् / Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Trackback this post | Subscribe to the comments via RSS Feed