हङकङ समाचार तथा विविध जानकारी

मिस्टर धर्मश्री प्रतियोगितामा हङकङबाट पनि सहभागी हुने

August 28th, 2011

एस, हङकङ / एचकेनेपाल डट कम -
नेपाल व्यायाम मन्दिरद्वारा आयोजना हुने नेपालको प्रतिष्ठित शारीरिक सुगठन प्रतियोगिता १२ औ मिस्टर धर्मश्रीमा हङकङबाट पनि सहभागिता जनाउने भएको छ।

४ वर्षको अन्तरालपछि सेप्टेम्बर १८ र १९ तारिख सम्पन्न हुन गईरहेको प्रतियोगितामा हङकङ नेपाल बडीबिल्डिङ एशोसिएशनले पनि सहभागिता जनाउने निर्णय गरेको छ।

संस्थाका तर्फबाट संस्थाका सदस्य मिस्टर हङकङ नेपाल २००८ लोकेन्द्र परियारले प्रतियोगितामा सहभागिता जनाउने एशोसियनले जनाएको छ। मिस्टर हङकङ नेपाल २००९ शम्भुकुमार तामाङसमेत सहभागिताको लागि पूर्ण तयारी अवस्थामा रहेपनि काम विशेषले सहभागी हुन नसक्ने बताएको छ।

लोकेन्द्र परियार हेभी वेट समूहमा प्रतिस्पर्धा गर्ने तयारीमा जुटेका छन्। पहिलेदेखि नै प्रतिस्पर्धामा सहभागी हुने चाहना राखेका परियारले भने- ‘नेपालको प्रतिष्ठित प्रतियोगितामा सहभागी हुन पाउदा खुशी लागेको छ। प्रतियोगितामा हार जित त भई हाल्छ नै, तैपनि प्रतियोगिताको लागि पूर्ण तयारी अवस्थामा रहेकोले आफू आशावादी नै रहेको छु।

त्यसै गरी, शम्भु तामाङले प्रतियोगिताको लागि पूर्ण तयारी अवस्थामा रहेर पनि आफ्नो काम विशेषले प्रतियोगितामा सहभागी हुन नपाउदा धेरै दुख लागेको बताए। ‘मेरो व्यक्तिगत साथै संस्थाको तर्फबाट लोकेन्द्र परियारलाई प्रतियोगिताको लागि सफलताको शुभकामना छ।’ उनले भने।

लगातार २ पल्ट १० औ र ११ औ धर्मश्री विजेता सानु गुरुङ तेस्रो पल्ट पनि बिजयी हुन पूर्ण तयारी अवस्थामा रहेका छन्। सानुले यसपालिको प्रतियोगिता विगतका प्रतियोगिता भन्दा कडा प्रतिस्पर्धा हुने र आफूले पनि कडा मेहनतको साथ तयारी गरिरहेको बताएका छन्। ‘मेरो मेहनतले गर्दा नै कडा प्रतिस्पर्धाको वागजुद आफू बिजयी हुनेमा आशा राखेको छु।’

आयोजकका अनुसार सेप्टेम्बर १८ तारिख प्रिजजिंग र १९ तारिख फाइनल राउण्ड हुनेछ।

Recent Videos:

Popularity: 2%

Entry Filed under: हङकङको समाचार