सिपोरालाई हङकङबाट सहयोग
September 15th, 2011
हुम तमु /एचकेनेपाल डट कम -
पोखरा, महिला भलिवलका राष्ट्रिय खेलाडी पोखरेली चेली सिपोरा गुरुङलाई लोकप्रिय वर्ष खेलाडी २०६७ बनाउन तमु ट्हो ह्युलले हङकङमा भलिवल प्रतियोगिता आयोजना गरी संकलन गरेको ४२ हजार ५०० रुपैयाँ सिपोरा गुरुङ सहयोग समितिलाई प्राप्त भएको छ।
उपाधि जितेपछि सिपोरो गुरूङ। तस्वीरः सुदर्शन रन्जित / एचकेनेपाल डट कम
भलिवलका पूर्व राष्ट्रिय खेलाडी एवं प्रशिक्षक यमबहादुर गुरुङ र सहारा क्लव पोखराका पूर्व उपाध्यक्ष दिपक गुरुङको पहलमा उक्त रकम संकलन भएको हो।
सहयोग रकम मध्ये तमु ट्हो ह्युल हङकङले दश हजार रुपैयाँ र पर्वत मञ्च हङकङका अध्यक्ष बिसान गुरुङ दश हजार रुपैया सहयोग प्रदान गर्नु भएको थियो।
स्वेदश तथा विदेशमा रहेका महानुभाव र संघ संस्थाको सहयोगबाट नेपाल खेलकुद पत्रकार मञ्चद्वारा भदौ २५ गते काठमाण्डौंको कमलादीस्थित प्रज्ञा भवनमा आयोजित एक समारोहका विच सिपोरा गुरुङ लोकप्रिय वर्षखेलाडी २०६७ घोषणा भइसक्नु भएको छ।
सिपोरालाई लोकप्रिय वर्षखेलाडी बनाउन गठित सिपोरा गुरुङ सहयोग समितिले शनिवार पोखरामा आयोजना गर्ने र्यालीसहित बधाई तथा सम्मान कार्यक्रममा अभियानको क्रममा बचत रकम सिपोरालाई प्रदान गर्ने जनाएको छ।
Recent Videos:
Popularity: 2%
Entry Filed under: हङकङको समाचार
आफ्नो प्रतिक्रिया दिनुहोस् / Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Trackback this post | Subscribe to the comments via RSS Feed