हङकङ समाचार तथा विविध जानकारी

$6,000 लिनेको संख्या २१ लाख नाघ्यो

October 9th, 2011

सम्वाददाता/ एचकेनेपाल डट कम-
हङकङ, ९ अक्टोबर । हङकङ सरकारले घोषणा गरेको ६ हजार हङकङ डलर स्किमअन्तर्गत सो सुविधा रकम लिनको लागि विहीबारसम्म २१ लाखभन्दा बढीको आवेदन परिसकेको छ।

सरकारले १८ वर्ष नाघेका २१ लाखभन्दा बढी हङकङको स्थायी परिचय पत्रवाहकबाट आवेदन पत्र प्राप्त गरिसकेको जनाएको छ। प्राप्त आवेदनहरूको छानविन गर्दै ६ हजार हङकङ डलर वितरण प्रक्रिया सुचारू भइरहेको फाइननसियल सर्भिसेस एण्ड ट्रेजरी ब्युरोले जनाएको छ।

सन् १९६६ देखि १९८१ सम्म जन्मेका हङकङ स्थायी परिचयबाहकको आवेदन संकलन आज अक्टोबर ९ तारिख आइतवारदेखि सुरू भएको समेत जनाएको छ।

सन् १९६६ सालभन्दा पहिले जन्मेका हङकङ स्थायी परिचयबाहकहरूले आवेदन दिन छुटाएका भए अझै दर्ता गर्न सकिने जनाएको छ। आवेदन बैंक तथा हङकङ पोष्ट अफिसहरूमा दर्ता गर्न सकिने छ।

सरकारले आफ्नो बजेट भाषणमा १८ बर्ष नाघेका सम्पूर्ण नागरिकलाई ६ हजार हङकङ डलर प्रदान गर्ने तथा ७५ प्रतिशतसम्म तलव कर छुट दिने घोषणा गरेको थियो। साठी लाख जनतामा जाने उक्त सुविधा रकमको रुपमा ३६ अरब र तलव कर छुट ४ अरव गरी ४० अरव डलरको हुने अनुमान गरिएको छ।

थप जानकारीको लागिः
>Scheme $6,000 होमपेज

Recent Videos:

Popularity: 5%

Entry Filed under: हङकङको समाचार