सेवारो है सेवारो * (कविता) - कृष्ण प्रसाई

June 13th, 2008

सेवारो है सेवारो १ ….


- कृष्ण प्रसाई

समय तिम्रो कित्तामा फर्केको ठान्दैमा-
वा तिमीले एकलौटी इच्छा गर्यौ भन्दैमा,
भाषाको कुराले-
धर्मको कुराले-
र जातको कुराले -
तिमी कदापि विभाजित हुन सक्दैनौ नेम्वाङ दाई !
मैले पनि तिमीसँग-
रात-रातभरि च्याब्रुङ नाचेकै हो ।
हामीले साझा सम्झेका-
संगिनी र रत्यौलीमा -
हाम्रो संसार चलेकै थियो,
तर कहाँबाट आयो यो रंगभेदको कुरा ?
कताबाट आयो यो आदि र अनादिका कुरा ?
कसरी आयो यो भूगोल विभाजनको कुरा ?
सत्य कुरालाई किन लुकाउनु र हामीले,
समुसुद्धिनले युद्धताका उपहार दिएको-
हाम्रो मोही र गुन्द्रुकलाई-
मेरा पुर्खाले तिम्रो भाते जाँडसँग साटेकै हुन् ।
एक पाथी कोदोको रक्सीमा-
एक कित्ता किपट हत्याएको कुरा लिएर-
अथवा शकुनी दाउमा जुवा खेलेर,
सिंगै थुम्को हत्याएको कुरा साँधेर -
किन सधै अत्तो थापिरहन्छौ चाम्लिङ दाइ ?
धर्ती लुटेर सम्पन्न हुन्छु भन्नेहरु,
अन्नतः आफै धर्तीबाट लुटिएका छन् ।
तिमीले कुल्चेको माटो र मेरा पुर्खाले टेकेको भूमि एउटै हो ।
सदियौदेखि म पनि सुकुम्वासी नै छु ।
पहिले मुगल राजाले डसे -
अलि पछि आएर -
गोरखा र लिम्बूवानका सामान्तबाट उठिबास हुँदै ,
पहाडबाट समेत खेदिएर-
मुगलानबाट पनि लखेटिंदै-
पुनः म शरणार्थी भएर -
फेरि, यसै देशमा फर्किएको छु ।
यता फर्कनुमा मलाई,
मेरा पुर्खाको माटोले तान्यो,
बाजेले पुजेका,
देवी देउरालीका साइनोले तान्यो,
जोड्दै जाने हो भने-
धेरै साइनाहरु छन् हाम्रा तिमीसँग-
भावनाको साइनो कहिलेकाही,
रगतको भन्दा पनि गाढा हुदो रहेद्धछ मादेन दाई !
विर्सेका छैनौ भने,
तिम्रा बाका मलामीलाई-
हामीले खुवाएको दही, चिउराको साइनो छ हाम्रो ।
मेरा बालाई बैतरनी तराउन,
तिम्रा बाले सित्तैमा दिएको बाछाको सम्बन्ध छ हाम्रो ।
बद्मासी आ-आफना होलान्-
स्यावासी आ-आफ्ना होलान्-
सात सालमा तिम्रा सगोत्रीले उठिबास लगाउंदा पनि,
मैले कहिल्यै तिमीलाई दुखेसो गरिन,
अलि पछि नाक र आँखाको विभाजन कोरिएपनि-
मैले कहिल्यै ननिको ठानिन ।
मात्रै मन बुझाउंन-
मात्र चित्त बाँधिरहन-
म पनि सधै कहा सक्छु र श्रवण भाई १
आखिर हाम्रा आमाहरु मिलेर,
रत्यौली खेलेको पनि साँचो हो ।
संक्रान्ति र मदन मेलामा,
धान नाचेको पनि साँचो हो ।
एक्कासी अहिले आएर पराय अरु कसैले ,
विद्यटनको खेल खेल्छ भन्ने लागेकै थिएन ।
तिमी-हामीलाई जुधाएर,
तमासा हेर्छ भन्ने सोचेकै थिएन ।
सोच है सोच केरुङ भाई !
पानी बगे पछि फेरि फर्कदैन ।
मात्र सम्झना बनेर -
बगर रोइरहन्छ किनारमा ।
नराम्रोलाई विर्सन -
राम्रोलाई सम्झन निको लागेर नै,
मैले हाम्रा धेरै कुराहरु सम्झे ।
पखालाले सताएकै बेला पनि,
कान्ला बिगारेर हाम्रा बाहरुले,
संगै देउसी खेलेको सम्झे ।
देउसी कै भेटी उठाएर,
हामी पढ्ने स्कूलको छानो छाएको कुरा सम्झे ।
खाँडो जगाउन खप्पिस तिम्रा बा,
अनि सिलोक फट्कार्न सिपालु मेरा बा ,
संगसंगै जन्ती गएको सम्झे ।
मन्त्र फुकेर सिकारी मन्साएको साइनो होस् ।
वा दुइ इन्ची खुकुरी भसाउंदा समेत,
ख्याल-ख्यालै ठानेर-
दुइ गिलास रक्सीमै मिलेको साइनो होस्-
ज्यूँका त्यूँ छ अहिले पनि ।
कहाँ मेटिएको छ र हाम्रो साइनो !
अहिले आएर तिमीले,
विदेश किन्यौ भन्दैमा,
हाम्रो सम्बन्धलाई म कसरी विट मार्न सक्छु र थेवे दाई -
लुकाउने कुरा नै के पो बाँकी छ र ?
नाङ्गो मान्छेसँग बचेको नै के पो हुन्छ र ?
हामी सबैले मान्दै आएको,
हलेसी महादेव र पाथीभरा देवीलाई,
तिमी हामी सबैले मानेकै हौं ।
तिम्रा उघौलि, उभौली र बुढीबजु ,
अझै पनि मैले मानेकै छु ।
सिमेभूमे र सगुनेले पनि -
सुब्बे फाब्बे नै भएको छ ।
अहिले आएर सानो कुरामा,
किन रडाको मच्चाउछौ देवान भाई ?
मन्त्र साट्नु चानचुने कुरा हुनै सक्दैन,
देउता साट्नु सानो कुरा हुँदै होइन,
हामीले आपसमा देउता पनि साटेको छौं ।
तिमीले बिर्सेर ज्ञान -
तिमीले सम्झन छोडेको तिम्रै भाषा,
समयको जोर विजोरमा,
तिमीले भुल्नै लागेको हाम्रो साइनो,
एउटै मुन्धुमले ठिक पार्न सकिन्छ अव ।
जोखाना हेरिरहन जरुरी नै छैन अव ।
आउ म मन्त्र फुकिदिन्छु तिम्रो कमजोर आँखालाई ।
मसंग तिम्रो हजुरबाले मर्नु एकदिन अघि सिकाएको,
तिम्रो भाषाको फूलो झार्ने शक्तिशाली मन्त्र छ ।
—-
सेवारो है मादेन भाइ सेवारो !
सेवारो है नेम्बाङ दाइ सेवारो !!
—–
* लिम्बू भाषामा नमस्कार वा अभिवादन जनाउँदा भनिने शब्द ।

Popularity: 34%

Entry Filed under: कविता

20 प्रतिक्रियाहरू / Comments आफ्नो प्रतिक्रिया दिनुहोस् / Add your own

  • 1. saugat  |  June 14th, 2008 at 11:29 pm

    bichara kisna lai sarai parechha ki kya ho.ramro kabita lekhechha ha……………..u. thanx hai kabi ji.

  • 2. SOM THAPAPIDT MAGAR  |  June 15th, 2008 at 1:46 pm

    VERY GOOD KEEP IT UP KRISHNA PARSAI JI

    I LIKE TO READ IT SO HAPPY TO READ THIS KINDS OF POEM

    SOM THAPA PIDIT MAGAR
    FROM HONG KONG

  • 3. Kripa Rai  |  June 16th, 2008 at 3:01 am

    Beautiful poem.Saarai raamro.Kirati haru laai raamrari chinnu bhayeko kabiji hunu hundo raheccha.Dherai dherai dhanyabaad.

  • 4. limbu dai  |  June 16th, 2008 at 10:19 am

    - ramro lagyo prasai ji, tapaiko kabita yo kabita sarsati paddha tapai pakai limbuwanma janmera hurkeko hunuparchha. limbuwanko mato, bhir, pakha, nagi, chauri, jharna, kholaharu sathai madendai , nembangdai,thebe daiharu sanga tapaile miteri saino gasisaknubhaeko prasta hunchha yo kabita bata, tapailai mero sujhab .sathdinuhos ti daiharulai nadaraunuhos krisnaji , 7salko jastochhainan thebedai, 17salko jasto chhainan maden dai …tesaile sath dinu paryoni ….prasai bhai. ek mana gundruk, ekpathikodo sanga jamin chino satera bhae pani limbuwanma miteri saino laisaknu bhaekochha. tesaile mit dai harulai sathdinu mai tapaiko bhalai chha………..kabita ramo chha …thanks keep it up…………..

  • 5. Kaji bista  |  June 16th, 2008 at 1:48 pm

    very excellent poem that i got it around one year later
    kaji bista

  • 6. dipak yonghang  |  June 16th, 2008 at 3:14 pm

    hi this is very nice poem i enjoy.

  • 7. sabbu bharadwaj  |  June 16th, 2008 at 5:46 pm

    Kabi ji
    Tapai lai badhai chha
    yesto ramro kabita lekhnu vaya ko ma.
    bastav ma jatiya bivajan khojnay haru lai tapai lay ramro danak dinu vaya ko chha. sarai ramro para lay
    tapai Nepal ko ramro kabi hunu hudo rachha.
    Bharadwaj Sabbu
    U.K.

  • 8. KC  |  June 17th, 2008 at 2:52 am

    yoo kabita padhyera mayro alikati bhayeko dhimagh pani bodho bhayo……

  • 9. kalu  |  June 17th, 2008 at 8:20 pm

    KC ji bujhnelai shreekhanda nabhujhnelai khurpako bid,…………

  • 10. kalu  |  June 17th, 2008 at 8:21 pm

    KC ji, bujhnelai shreekhanda nabhujhnelai khurpako bid,….ho ……..

  • 11. ukhang limbu  |  June 18th, 2008 at 5:00 pm

    ooooooooooo solta, kabitata babaal lekhno bhayo, tesma malai khusi cha. Tara aaja aayera tapai jasto manchele yesto kabita lekheko dekhda dherai dukha lageko cha. Ke ho bhai, aaja limbule limbuwan magda deshnai tokrincha bhanne ke pramard cha. Ani limbule limbuwan magda timilai kina aasar paryo bhai? Madhisele panita madhes mageko cha, pasimma pani dheraile aafno rajjya mageka channi. Yedi tapailai, aaroole aafno rajjya magyo bhanera dukha lagcha bhane, hamro dharma, sanskriti, ritiriwaj, parampara, iityadi harowdai jancha bhane, bhai Rana kaalma limbuharolai aafno bhasa blona didaina thiyo, aafno parampara, ritiriwaj, sanskriti manowna didaina thiyo, tetibela kata harayo tapaiko kabita. Aaja limbulai kabitale chadke hanne aat cha bhane, tetibela Ranalai chadke hanne aat kata gako thiyo. Aaja limbuharole gareko kaam dekhda nakaratmak lagcha bhane, Rana ra Shahle gareka kamlai chai kina nakaratmak dekhno bhayena????????? Tapailai limbuharoko barema dherai thaha rahecha, oonoharoko sanskriti, dharma, ritiriwaj, paramparako bare dherai thaha rahecha, tapalai limbuharoka yi koraharole dherai khusi lageko thiyecha ra aaja aayrera hami chotina sakchow ra yi kora pheri dekhna paidaina bhanera dukha lageko rahech. Khusi lagyo. Tara bidambana malai dukha lageko cha, tapaile kina 1900 bs (Rana kalin), 2007 bs, 2017 bs, 2036 bs, 2046 bs ma kina aafno deshlai bachowne prayas garno bhayena???????
    Issmariyad rahos, yo kora bojne garnoski limbule limbuwan magdaima, nepal tokrine hoina ra aafno sanskriti, dharma, ritithitiharo harowne hoina. Ra ma ke pani bhancho bhane, hamra limbu daju bhai harole limbuwan ko lagi laddai chan bhane, tapai sanga chottincha bhanne dharana narakno hola.

  • 12. rai kaharman  |  June 19th, 2008 at 9:42 am

    dherai ramro chha dai ko kabita.

  • 13. rai kaharman  |  June 19th, 2008 at 9:44 am

    thanks a lot dai

  • 14. badan yonghang [limbu]  |  June 19th, 2008 at 6:21 pm

    sewaro prasai jee kabita nikkai mehenat garer lekhnubha rahechha sotantrata ra samantako pani lekhnos hi prasai jee

  • 15. sajja  |  June 20th, 2008 at 11:26 pm

    namastey .. sarai ramro lagyo yo kabita malai ta . .. man ra mastiskama harek kura haru nachhirahyo … nikkai ramro kabita rachhanu vayeko ma hajur lai subhakamana … ma hk bata

  • 16. Dr Lal Rapacha  |  June 25th, 2008 at 7:18 pm

    Dear poet,

    Naturally, now your desires and dreams should bloom in Limbuwan since you’ve such age-old relationships with the Kiranti-Yakthung people. You now once as poet enter into their souls and explore you yourself there what it is like to bloom unlimitedly without any bias, supressive and assimilative policy of the Hindu State in the past. Leipzig, Germany

  • 17. Gajendtra Lawati  |  June 30th, 2008 at 4:24 pm

    Krisna ji Big NAMASKAR and Thank you for very good out standing KAVITA. Your message via KAVITA must undersand by all Nepalese People Specialy LAST GHINGLAGDO NEHTAHARULE
    BUJHUNU PARCHHA.

  • 18. Nabin sagar sapkota  |  July 21st, 2008 at 3:56 pm

    Dear reader If all of our leader thinking standard will be as krishna parsais then no naxal war like terai and limbuan .he is really higher level thinker and great liturature of nepal.
    nabin sagar sapkota

  • 19. sumitra ijam  |  February 18th, 2009 at 10:42 am

    malai yaha tapai ko sabai pratikriya herada bises limbu daju bhai haru le tapai ko kabita mathi garbha gare ko ullekh payyyyyye ra ma pani k bhanchu bhane hajur le yo limbu sabda bata suruwat garnu bhaye ko kabita prya limbu saskriti kai adhar ma lekhe ko paye yasma ta hami ek damai khushi chau ra tapai prati aabhari pani chau kina ki hajur jasto yeauta aryan saskriti ma hurkera pani limbu haru ko bhab lai kabita marfat prstayunu bhaye ko cha yasari hami jaati chuttai bhaye pani ek arko ko bhab lai bujhnu ho bhane des kati santi hune thiyo hola tara yaha tapai jaso byakti chainan limbu mag parati khilli udauchan bahiri ruple sath ta dinchu bhanchan tara bhitra bhitra arkai sadyantra rachau chan tesaile tapaile dinu bhaye ko udaharan lai herera khi sikos bhanne aasha rakhda chu ra hajur le pani yasari nai annya kabita haru lekhdai janus tapailai safalta ko agrim subhakamana
    sumi

  • 20. rajesh limbu  |  January 21st, 2010 at 11:07 pm

    thank u so much ma yasai email marfat aafno bichar rakhna payeko ma khusinai 6u bisea ma ke vanna chahan6u vane jati pani limbu hami 6u sabai 1 jut hunu par6 ra ak arkaprati maya ra sahayogko hat pani barauna par6 vanne mero dharana 6 ani yas kabitalai herne ho vane akdam malai man paryo ra ajhai gaubesima suhaune khalko palam git juhari vaye jhanai khusi hune thiye ra jati tara vaye pani aafno maulik saskriti ra pahichan lai laj namai biswa sami chinaunu par6 ra aafno limbu vasa vitra kunai pani halatyma bahiya danda hunu hundaina vanne malai lag6 ok thank u next bicharma hai

आफ्नो प्रतिक्रिया दिनुहोस् / Leave a Comment

प्रतिक्रिया दिन चाहने पाठकहरुलाई जरुरी सूचना...
- यहांहरुले प्रतिक्रिया लेख्दा कृपया सभ्य भाषाको प्रयोग गर्नुहोला।
- असभ्य र आपत्तिजनक शव्दहरु प्रयोग गरिएको प्रतिक्रियालाई स्थान दिइने छैन।
- यदि यहांहरुले नेपाली युनिकोडमा लेख्न चाहनुहुन्छ भने गूगल रोमन टु युनिकोड मा गएर टाइप गरेपछि कपि गरेर तलको कमेन्ट बक्समा पेस्ट गर्नुहोला।

Required

Required, hidden

Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

Trackback this post  |  Subscribe to the comments via RSS Feed


नेपाली समयः -

पशन तमू @ Twitter

Subscribe to our videos!


Calendar

January 2019
M T W T F S S
« Nov    
 123456
78910111213
14151617181920
21222324252627
28293031  

Most Recent Posts

Most Popular in June, 2008

Most Popular Posts