रातको वेश्यावरण ! (कविता) - शिव प्रकाश

June 19th, 2008

रातको वेश्यावरण…

- शिव प्रकाश
रातको उन्मत्तता पिएर
मदोन्मत बाँचेको शहर
दुर्गन्धित ति हरेक साँझहरु
विहानीले पाखाल्न सकेको छैन
साँझका ति टाटा
रातका ति राग
यौवन निचोरिएका अँध्यारोका ति पीडा
बन्दबजारभित्र खुल्ला छ
वाध्यता बाँचेका जीवन
उम्लिएका यौवनका विचित्र विनिमय
यौन नायक-नायिका
मान्छेका आकृतिमा
उठेका नग्न जुलुसहरु
निष्ठुरतापूर्वक निर्वाध
शालिन सभ्यतालाई कुल्चदै
परेड खेल्दै मानवीय सँस्कारमाथि
ढुङ्गा जस्ता नाङ्गा र कठोर मनहरु
सल्बलाउँछन् मौन भाषामा
उदाङ्गो रातको उमङ्ग
निर्वस्त्र आदिम खेलको आनन्द
नाङ्गा शरीरका नवीनतम् अभ्यास
मान्छेले मान्छे पिउने प्यास
मान्छेले मान्छे टोक्ने भोक
निर्लान्त थकान
च्यातिएका कुमारीत्वहरु
भत्किएका कुमारत्वहरु
सहरको शान हो
सहरको मान हो
शहरको अभिमान हो
अँध्यारोभित्र हाँसेको शहर
सहरभित्रको एकल अँध्यारो सम्राज्यभित्र
गिद्धहरुबाट वलात्कृत परेवाहरु
नाजायज चीलहरुको जन्म
सर्प र मुसाको मित्रता
कुकुरहरु विरालाजस्ता
बिरालाहरु ब्वाँसाजस्ता
ब्वाँसाहरु मान्छेजस्ता
मान्छे कुमान्छे जस्ता
कुमान्छे मान्छे जस्ता
मदोन्मत बाँचेको शहर
टँडालमा कोपिएका
काममुद्राका प्राचीन परिचय
सडकका पेटीहरुमा सल्बलाइरहेछ
नाङ्गो अर्वाचीन सभ्यता अहिले
समयको चीरहण
रातहरु स्वयं वेश्यावरण गरिरहेछन्
निरन्तर गरिरहेछन्
धुमिलिसकको वाध्य आँखाहरु
दृश्यवरण गरिरहेछन्
निरन्तर गरिरहेछन् ।

बोस्टन, अमेरिका

Popularity: 29%

Entry Filed under: कविता

1 प्रतिक्रिया / Comment आफ्नो प्रतिक्रिया दिनुहोस् / Add your own

  • 1. Loyem Bharapa-3 panthar  |  October 14th, 2008 at 2:09 am

    Shiba g!
    aba durgandit shhar lai pakhalne euta kabita chahiyo

आफ्नो प्रतिक्रिया दिनुहोस् / Leave a Comment

प्रतिक्रिया दिन चाहने पाठकहरुलाई जरुरी सूचना...
- यहांहरुले प्रतिक्रिया लेख्दा कृपया सभ्य भाषाको प्रयोग गर्नुहोला।
- असभ्य र आपत्तिजनक शव्दहरु प्रयोग गरिएको प्रतिक्रियालाई स्थान दिइने छैन।
- यदि यहांहरुले नेपाली युनिकोडमा लेख्न चाहनुहुन्छ भने गूगल रोमन टु युनिकोड मा गएर टाइप गरेपछि कपि गरेर तलको कमेन्ट बक्समा पेस्ट गर्नुहोला।

Required

Required, hidden

Some HTML allowed:
<a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>

Trackback this post  |  Subscribe to the comments via RSS Feed


नेपाली समयः -

पशन तमू @ Twitter

Subscribe to our videos!


Calendar

March 2019
M T W T F S S
« Nov    
 123
45678910
11121314151617
18192021222324
25262728293031

Most Recent Posts

Most Popular in June, 2008

Most Popular Posts